خالد ال بريك & مدعث بن جريس - الفخر للدوسري يضرب تحيه 2023 حصرياً

الفخر للدوسري يضرب تحيه

موال

عن مدايح لابتي مانيب تايب
الفخر للدوسري يضرب تحيه
من حضر بيسد عن من كان غايب
صف واحد والعزاوي دوسريه

لحن 1

القصايد تالي الوقت مافيها حلا
سمجوها اللي يقولون مالا يدركون

من سمع قصيدهم قال يادفع البلا
ليتهم من بعض الابيات والله يسلمون

ودي اخذهم تكعب ل شيعة كربلا
واجعل الشيعه في عاشور فيهم يلطمون

ولاخلصنا بحذفهم من جبال العلا
وبحذف جمهورهم فوقهم لا يزعلون

والله اني منشغل بين شقحا وشعلا
وان فضيت اشغلني المترف الطرف الحنون

جادلن مالله خلق مثلها بين الملا
جدها يقدع شبا الجمع ويدك الحصون

تفتخر وتقول من جدي القوم قتلا
كيف مقتل كل عاشق بسلهام العيون

قالت اقصد فالخصر والعيون النجلا
قلت ماذا بوقتها واستريحي يالفتون

داعي ربوعي دعاني ولبيته غلا
كيف ما لبي وربعي على روحي تمون

مرحبا يا مرحبا يا هلا ومية هلا
في حفل فارس بن سعيد عون الاقربون

والله انك يابيض الوجه والنعم زملا
ياولد فكاك الانشاب جلاي الغبون

ياعسى الله يجمعه مع خيار النزلا
النبي واصحابه الشاكرون الحامدون

ال فارس عون من زاد همه وابتلا
من ضنى عمر ابن تغلب مدككة الحصون

من هل الشعب المسمى وللعز وكلا
العمور اهل المكارم موسعة الطعون

لازبنهم جالين من بني عمه سلا
ولاعطو مداتهم تقفل كبار الديون

ماخذين الطيب والمجد كله من الى
ب الفعول اللي تداول على مر القرون

لحن 2

العمور الي فعايلهم عجايب
محتمين الشعب ورجال الحميه

العمور الي ليا جات الحرايب
صبيهم لامن وقف عن خمس ميه

العمور الي يسدون النوايب
سور تمره من زمان الجاهليه

لاتعزوو راحت الدنيا خرايب
والله ان يبرا خوين من خويه

الدواسر كل ماجات المصايب
تلطم العايل و خطوتها جريه

الدواسر يومها خوف ونهايب
في ذراهم تامن جموع البريه

صفنا واحد فعايلنا عجايب
عزوتن في نجد اخذت لولويه

من حضر بيسد عن من كان غايب
صف واحد والعزاوي دوسريه

عن مدايح لابتي مانيب تايب
الفخر للدوسري يضرب تحيه




كلمات :
مدعث بن جريس




اداء :
خالد ال بريك




تنفيذ :
اهتمام الدوسري

..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬








#العمور
#الدواسر
#خالد_ال_بريك