Şuşada

İşğaldan azad edilmiş Şuşa şəhərində 32 illik fasilədən sonra toy məclisi qurulub.
Vətən Müharibəsi qazisi Elmir Məmmədli ailə qurub
Toy məclisinə bəy və gəlinin yaxınları, rayon ictimaiyyətinin nümayəndələri qatılıblar.

İzTv-nin xəbərinə görə, 28 yaşlı Elmir Məmmədli jurnalistlərə açıqlamasında 32 illik fasilədən sonra Şuşada ilk toy mərasiminin ona qismət olduğu üçün özünü xoşbəxt hiss etdiyini deyib: “Allahdan şəhidlərimizə rəhmət, qazilərimizə cansağlığı diləyirəm. Nə xoş mənim halıma ki, bu gün Şuşaya köçmüşəm. Allah Prezidentimiz, Ali Baş Komandanımız İlham Əliyevi qorusun. Məhz Onun uğurlu siyasəti nəticəsində bu gün buradayıq”.

O, Vətən Müharibəsi zamanı Füzuli, Xocavənd istiqamətində gedən döyüşlərdə iştirak etdiyini, yaralandığını deyib. Əlavə edib ki, hazırda səhhətində heç bir problem yoxdur.
#sonxeberler #azərbaycan #qarabağ #shorts #short #qazilər #şuşa #news