རྗེ་མི་རས་པའི་མགུར་གླུ། The Song Of Jetsun Milarepa. (PART.4)

#milarepa #guryang #zhenphen #མི-ལ-རས-པ།

Like And Share


རྗེ་བླ་མའི་སྐུ་ལ་གསོལ་བ་འདེབས། །
སྤྲང་རི་ཁྲོད་ཟིན་པར་བྱིན་གྱིས་རློབས། །
ང་སྐྱིད་པ་གཉེན་གྱིས་མ་ཚོར་ཞིང་། །
སྡུག་པ་དགྲ་ཡིས་མ་ཚོར་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
རྒས་པ་གྲོགས་ཀྱིས་མ་ཚོར་ཞིང་། །
ན་བ་སྲིང་མོས་མ་ཚོར་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ཤི་བ་མི་ཡིས་མ་ཚོར་ཞིང་། །
རོ་རུལ་བྱ་ཡིས་མ་མཐོང་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ཤ་རུལ་སྦྲང་མས་འཇིབ་པ་དང་། །
རྩ་རྒྱུས་འབུ་ཡིས་ཟ་བ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ང་སྒོ་ན་མི་རྗེས་མེད་པ་དང་། །
ནང་ན་ཁྲག་རྗེས་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
རོ་ལ་འཁོར་མི་མེད་པ་དང་། །
ཤི་ན་ངུ་མི་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ང་གར་སོང་འདྲི་མི་མེད་པ་དང་། །
འདིར་སོང་གཏད་སོ་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
མི་མེད་ལུང་པའི་བྲག་ཕུག་ཏུ། །
སྤྲང་པོ་འཆི་བའི་སྨོན་ལམ་འདི། །
འགྲོ་བའི་དོན་དུ་ཐེབས་པར་ཤོག །
ཐེབས་ན་བསམ་པ་རྫོགས་པ་ཡིན།




(PLEASE DO SUBSCRIBE FOR MORE VIDEOS) 🙏



SHOW SOME LOVE 💕 AND SUPPORT 👍 BY SUBSCRIBING. 🙏 STAY TUNE FOR MORE VIDEOS.


THANK YOU ! 🙏