陳秋霞入行50周年出新書念亡母 區瑞強事前不知胞弟參與《中聲3》海選

陳秋霞入行50周年出新書念亡母 區瑞強事前不知胞弟參與《中聲3》海選

70年代玉女歌手陳秋霞自1981年與馬來西亞百億「鋼鐵大王」兼拿督鍾廷森結婚便淡出幕前，一直長居大馬，久未露面嘅陳秋霞呢日現身書展，為推出新書舉行簽名會。

陳秋霞獲兩個女兒及姨甥鄺祖德、老友陳秀珠、區瑞強、邵音音、車淑梅、周國豐、填詞人向雪懷等到場支持，今年係陳秋霞入行50周年，佢想出書講吓細個生活、中學回憶、娛圈七年嘅點滴等，陳秋霞撰寫呢本新書嘅收益全數作慈善用途，亦希望紀念佢離世嘅母親。

陳秋霞於2016年發現患上乳癌，經過手術同化療後，而家病情穩定，佢好珍惜同家人相處嘅日子，開心弄孫為樂，為咗照顧寶貝孫，佢要每星期接受物理治療，預防勝於治療，陳秋霞有時都歌癮起，佢下月同香港中樂團去大馬作特別演出，自爆體力只能唱三首歌。

區瑞強胞弟區瑞明日前參與《中年好聲音3》海選成為焦點之一，區瑞強事前唔知細佬參賽，笑指唔敢叫細佬參加，之後望一望身旁嘅《中聲》評審周國豐，區瑞強笑住講怕細佬入唔到100強，又擔心細佬有壓力，周國豐笑指《中聲》評審好冷血。

#陳秋霞 #玉女歌手 #拿督 #鍾廷森 #結婚 #書展 #新書 #簽名會 #女兒 #姨甥 #鄺祖德 #陳秀珠 #區瑞強 #邵音音 #車淑梅 #周國豐 #填詞人 #向雪懷 #乳癌 #手術 #化療 #康復 #物理治療 #區瑞明 #區瑞強 #弟弟 #中年好聲音3 #海選 #評審 #周國豐
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0