Скачать или смотреть Алматыда улы сұйықтықты сіміріп алған ер адамның өңешінен бастап, асқазанына дейін күйіп қалған

Алматыдағы ас дайындайтын орындардың бірі тапсырыс берушілерге “компот” деп химиялық еріткіш салып жіберген. Ал оны байқамай ішкен ер адамның өңеші күйіп, жансақтау бөлімінен бірақ шықты. Жәбірленушінің жақындарының айтуынша, бір жұтым улы сұйықтықтың кесірінен зардап шеккен азаматтың асқазаны мен ауыз қуысына, тіпті бет терісіне дейін зақым келген.
САОДАТ ЖОРАЕВА, жәбірленушінің туысы:
Компот деп у берген. Бұл адамды өлтіруге оқталу. Жездем қайта ішпеді. Соның өзінде ауыр жарақаттар алды. Негізі тапсырыстар кішкентай балаларым берген. Олар ішіп алғанда не болар еді? Арыз жаздық. Дәмхана әрекетін қылмыс ретінде тергеуді талап етеміз.
Жәбірленуішінің жақындары оқыс оқиғаны құзырлы органның жан-жақты тексеріп, кінәлілердің жазаланғанын талап етеді. Өйткені сусын мен химиялық қоспаны шатастыру бей-жай қалдыратын салғырттық емес дейді. Полиция департаментінің хабарлауынша, бүгінде бұл жайтқа қатысты тергеу басталған. Сот-медициналық сараптама тағайындалып, ер адамның нақты неден уланғаны анықталуда. Құзырлы орган өкілдері қылмыстық іс қозғалуы мүмкін екенін айтты. Ал сусын ішемін деп жапа шеккен азамат қазір ауруханада жатыр.
АҚШОЛПАН ШАРАПХАНОВА, Алматы қалалық орталық клиникалық ауруханасының бөлім басшысы:
Орталық қалалық клиникалық ауруханаға анықталмаған затпен улану, өңештің екінші дәрежелі химиялық күйігі және терінің бірінші химиялық күйігі диагнозымен пациент түсті. Пациент саматикалық бөлімшіге жатқызылды. Қазіргі уақытта оның жағдайы тұрақты. Теріс динамикасыз. Медициналық көмек қолданыстағы клиникалық хаттамаларға сәйкес толық көлемде көрсетілуде. Пациент мамандардың тұрақты бақылауында.
#Информбюро #31арна #БастыЖаңалықтар #Новости #31канал