Скачать или смотреть ઝટપટ પનીર ચીઝ મસાલા સબ્જીની રીત/instant paneer cheese masala vegRecipe/ kids recipe/પંજાબી સરળ સબ્જી

પંજાબી સબ્જી ના શોખીન હોય એવા લોકો અને બાળકો ને મજા પડી જાય એવી ખૂબ જ સ્વાદિષ્ટ સબ્જી ની રેસિપી લઇ ને આવી છું. જે ગણતરી ની મિનિટો માં જ બની જાય છે.
જ્યારે ટાઈમ ઓછો હોય, ઉતાવળ હોય અને કંઈક ખૂબ જ સ્વાદિષ્ટ ખાવાનું મન થાય ત્યારે રોટી, પરાઠા, કે ભાત જોડે ફટાફટ બનાવી દો ચીઝ પનીર મસાલા..

પનીર બાળકો માટે ખૂબ જ લાભદાયી છે. પરંતુ બધા બાળકો ને પનીર નથી ભાવતું હોતું. એટલે જે બાળકો ને પનીર ના ભાવતું હોય એના માટે પણ આ સબ્જી બનાવી દો. કેમકે આમાં પનીર છીણી ને નાખ્યું હોવાથી એમને ખ્યાલ જ નહીં આવે કે આ સબ્જી માં પનીર છે.

ચીઝ પનીર મસાલા ( 4 વ્યક્તિ માટે )
સામગ્રી:-
ગ્રેવી માટે:-

6 મોટા ટામેટાં કાપેલા
2 મોટી ડુંગળી કાપેલા
6-8 કાજુ
1/2 કપ ફુદીનો
8-10 મીઠા લીમડાં ના પાન

આ બધી સામગ્રી ને એક મોટા મિક્સર જાર માં લો. અને બધું ક્રશ કરી ને પેસ્ટ તૈયાર કરી લો.

વઘાર કરવા માટે:-

2 ચમચા તેલ
1 તજ
2 લવિંગ
1 ચમચી જીરું
ચપટી હિંગ
1/4 ચમચી હળદર
1 ચમચી આદુ , મરચાં અને લીમડાં ની પેસ્ટ
1 ચમચી લસણ ની પેસ્ટ
2 ચમચી મરચું
1 ચમચી ધાણાજીરું
1/2 ચમચી કસૂરી મેથી( સુકવેલી મેથી)
1/4 ચમચી ગરમ મસાલો
1 ચમચી ખાંડ

200 ગ્રામ તાજું પનીર છીણેલું
2 નંગ ચીઝ ક્યુબ્સ

રીત:-
સૌ પ્રથમ એક કડાઈ માં તેલ ગરમ મુકો અને તેમાં તજ, લવિંગ, અને જીરું ઉમેરો અને જીરું થાય એટલે હિંગ, હળદર ઉમેરી ને આદુ મરચાં ની પેસ્ટ અને લસણ ની પેસ્ટ ઉમેરો. અડધી મિનીટ માટે સાંતળી ને તૈયાર કરેલી ટામેટાં, ડુંગળી , કાજુ ની પેસ્ટ ઉમેરો . હવે મરચું, ધાણાજીરૂં ઉમેરો .બધું બરાબર મિક્સ કરો અને કડાઈ ને ઢાંકણ ઢાંકી દો.
મધ્યમ થી તેજ આંચ પર 5-7 મિનીટ પકાવો. વચ્ચે ગ્રેવી ને હલાવતાં રહો. ઉપર તેલ છુટું પડે એટલે ખાંડ, કસૂરી મેથી અને ગરમ મસાલો ઉમેરો અને મિક્સ કરો. ગ્રેવીમાં1 કપ ગરમ પાણી ઉમેરો વધુ ગ્રેવી કરવા માટે અને ફરીથી ઉકાળો.
ગ્રેવી બહુ ઘટ્ટ ના કરવી કેમકે આપણે હજુ પનીર અને ચીઝ ઉમેરવા ના છે.

છેલ્લે છિણેલું પનીર અને ચીઝ ઉમેરી મિક્સ કરો અને 1 મિનીટ માટે ધીમા તાપે રાખો .. પછી ગેસ બંધ કરી દો.

નાના ચીઝ ના ક્યુબ કે છીણેલા ચીઝ અને કોથમીર થી ગાર્નીશ કરી ને સર્વ કરો.

નોંધ:-

પનીર તાજું જ ઉપયોગ માં લેવાથી વધુ સ્વાદિષ્ટ બનશે.
મસાલો ચડીયાતો રાખવો કેમકે પનીર અને ચીઝ બન્ને માં કોઈ મસાલો નથી.
ગ્રેવી વધુ બનાવા ગરમ પાણી ઉમેરો પછી બરાબર ઉકાળવું.
મેં ચીઝ ઓછું લીધું છે .. તમે વધુ ઓછું કરી