Sui Hlawn Rem || Nang Lawng Kan Bochan || Pathian Hla Thar

Nang Lawng Kan Bochan

1. Nitin Ka nun ah,lawmnak Ka hmu lo, ruahchannak zei Ka ngei lo, nangmah sin lawngah, lawmhnak tling Ka hmu, hnangamnak tling na Ka pek, ka khamhtu bawi nang lawng kei ca na ttha, na vel in nifatin lam na Ka hruai , na dawtnak in na ka um pi zungzal..


CHO : Nifate in Kan Thangthat lai, Ka nunnak ngeitu Bawipa, khuaruahhar na dawtnak, kei ca a sunglawi ee, A zungzal in kei ca na ttha, a zungzal a Ka dawtu, Ka nunnak dongh tiangin, Kan thangthat lai, misual bik hmanh a Ka dawtu, Ka khamhtu, nang lawng kan bochan...


2. Harnak phunkip nih, An Ka phaak caan ah, teinak thazang na ka pek, ngaihchiat caan zongah na ka um pi ko, zungzal in kei ca na ttha, Zeitik hmanh ah na Ka kal tak bal lo, na kut chungah him tein ka um ca, zeithil paoh tlung hmanhseh, ka thinphang lo..


Bridge : Muihnak hor chung, Ka tlak caan ah, na kutfek in na ka tlaih, mitthli tla in Ka lung a dongh caan ah, ruahchannak petu Bawi na si…

Last CHO : Nifate in Kan thangthat lai, Ka nunnak ngeitu Bawipa, khuaruahhar na dawtnak, kei ca a sunglawi lawi ee, A zungzal in kei ca na ttha, a zungzal a Ka dawtu, Ka nunnak dongh tiangin, Kan thangthat lai, misual bik hmanh a Ka dawtu, Ka khamhtu, nang lawng kan bochan...OH.. Nang lawng ka Bawipa...Oh.. nang lawng Ka khamhtu na si.. Oh.. nang lawng kan bochan.