Скачать или смотреть დაკარგული მოზარდის ახლობლებმა გზის გადაკეტვა სცადეს, რისი საშუალებაც პოლიციამ არ მისცა

რამდენიმე წუთის წინ ვითარება დაიძაბა ზუგდიდი-თბილისის ცენტრალურ მაგისტრალზე, მდინარე კეხურზე გადამავალ ხიდზე, სადაც სენაკში დაკარგული 8 წლის მოზარდის ახლობლებმა გზის გადაკეტვა სცადეს, რისი საშუალებაც მათ სამართალდამცველებმა არ მისცეს.

სწორედ ამ ხიდთან მიმდინარეობს ბავშვის სამძებრო სამუშაოები.

შეგახსენებთ, მდინარე ტეხურში ერთი კვირის წინ დაკარგულ 8 წლის ბიჭს ეძებენ. სამძებრო სამუშაოებში ჩართულია როგორც სამძებრო-სამაშველო სამსახური, ისე სამხარეო პოლიცია და ადგილობრივი ხელისუფლება.

როგორც საზოგადოებრივს შსს-ში განუცხადეს, არსებული ინფორმაციით, ბიჭი მდინარის პირას ჯართს აგროვებდა, რა დროსაც წყალში ჩავარდა.

შსს-განცხადებით, ამ დროს მდინარესთან კიდევ ერთი პირი იმყოფებოდა, რომელიც ამჟამად დაკავებულია. მის წინააღმდეგ საქმე 129-ე მუხლითაა აღძრული, რაც დაუხმარებლობას გულისხმობს.

მოზარდის ოჯახი მკვლელობის ვერსიაზე საუბრობს და მეზობელს ადანაშაულებს.

დაკავებული 8 წლის ბიჭის მეზობელია.

სენაკში 8 წლის ბიჭი 23 თებერვალს გაუჩინარდა. დაკარგულის მამის ინფორმაციით, ბავშვი ეზოში გავიდა სათამაშოდ, თუმცა მას შემდეგ არავის უნახავს.