Скачать или смотреть Әһлюс-сунна уәл-жамаға ақидасы 72. Ақиданы толықтыратын нәрселер 4. Ұстаз: Омар Теміртас

Олар жамағатты сақтап, үмметке адалды болуды дін етеді. Пайғамбарымыздың ﷺ саусақтарын бір-біріне байлаған күйде айтқан бір сөзін өздерінің сеніміне бекітеді. Ол сөзі: «Мүмін мүміндермен бірге, бір-біріне берік байланған құрылыс секілді». Басқа хадисте: «Мүміндердің мысалы, бір-біріне деген махаббаттарында, мейірімінде, жұмсақтығында, бір дене секілді, егер оның бір жері ауырса қалған мүшелері ұйқысыздық пен қызумен жауап береді».
Олар сынақ келсе сабырлыққа, амандық болса шүкірлікке және тағдырдың ащылығына разы болуға бұйырады. Мінез-құлықтың көркеміне, амалдардың жақсысына шақырады. Пайғамбарымыздың ﷺ мына сөзін: «Иманы ең толық мүміндер – мінез-құлығы көркем болғандар», - сенімдеріне бекітеді.
Олар туыстық байланысты үзгенмен жалғастыруды, құр қалдырғанға беруді, зұлым келтіргенді кешіруді абзал көретін қауым. Әке-шешеге жақсылық қылуға, ағайынмен араласуға, көршімен жақсы болуға, жетімдер мен міскіндерге, мүсәпірлерге жақсылық қылуға және иелігіндегі адамдарға жұмсақтық танытуға бұйырады. Сондай-ақ, мақтану мен бөсуді, зұлымдықпен адамдарды басынудан тыйады.
Олар жоғарыда айтылған сөйлейтін және амал қылатын барлық нәрседе Алланың Кітабы мен пайғамбарымыздың ﷺ сүннетіне ереді.
{Раббымыз! Бізді тура жолға салғаннан кейін жүрегімізді ауытқытпа, және бізге өз тарапыңнан мейірім бер. Күдіксіз Сен өте берегенсің}
Алла Тағала бәрін жақсырақ Білуші Пайғамбарымыз бен оның отбасына және оның сахабаларына Алланың сәлемі мен салауаты болсын! Ә́ми́н!