⚡️نجووم المجره⚡️|| كلمات : فالح ابو عضيده ،، اداء : خالد ال بريـك || حصرياا ، 2022 ||

الجديد ⚡️⚡️.نسخ الشيلة يعرض قناتك للانذار

مهداه الى :
مغيب بن دويم السبيعي

كلمات :
فالح ابو عضيده

ادا :
خالد ال بريك

تصميم ومونتاج :
عمر السبيعي
ل التواصل :
0502938093


يارسول الشعر قرب واستمع لي يارسوله
واستلم معزوفة افكاري وسر القاف سره

لا تمثنيت الديار اللي عن الناس معزوله
عد في راس الطويل وجر عال الصوت جره

الشعر مثل الابوا وانا اطيب اعياله و أعوله
اتصيد خاطره واخفض له جناحي وبره

لا تعليت البراق وخذت بالافكار جوله
يتعب القصاص ماعين لي امع الارض جره

ياكثر ناس محابلها على الدرب محبوله
يحترون الطيحه اللي كل طيب ماتسره

عان حتى البحر الاحمر كل مامريت حوله
ايتضايق وايتنهت وايتوجد ويتشره

من كثر ما يدفع السباح عن دره ولوله
يحسب ان اغلب بنات الفكر من لوله ودره

الله اللي مدني من فضله وحيله وحوله
لين صرت اسوي السبحه من نجوم المجره

من يحسب ان الظفر والمجد يوخذ بالسهولة
والله ان يبطي وهو ما جاب له مثقال ذرة

خل عنك اللي ليا قال احتزم بي حال حوله
جمةٍ عذبه لكن من دونها وادي وحره

وازبن اللي لا تمايل وقتك وحس بميوله
ايتبين لك على رووس الجبال المشمخره

جعلني ماذوق حزن اللي لا جا للهم ضوله
حط بين العوج روضٍ شوفته للعين قرة

اتفاخر في مغيب دويم عنوان الرجوله
واتعنى له ومره لو طريقي مايمره

المدايح دون راس مغيب ماهيب معقوله
في ميادين الشعر مركاضها مركاض حرة

ابلجٍ لا اقبلت له شفت المحبة في قبوله
الحفاوة مستمره والبشاشه مستمرة

كل ما قال ابشر بعزك تثاقلت الحموله
ودي اني لا نصيته يعتذر لو كان مره

ابن عم ودرع جنب وصلب جد ومن حموله
كل يوم ايحط له بصمه عسى الله لا يضره

لا تكدر فك جول المعسر اللي ضاق جوله
يوم غيره لا تكدر خاطره فك الازره

ملحي مطنوخ والملحي محد يجهل فعوله
الصحيب ايعرف خيره والخصيم ايعرف شره

الملوح اسم ملا عرش الفخر عرضه وطوله
لا وقفنا صارت اوضاع المجنن مستقرة

كم عقيدٍ لا نصوه القوم نصانا ذلوله
يدري انا فزعة اللي مونسٍ في الكبد حره

ان رضينا بشر انجوم المجرات ابوصوله
وان زعلنا مستحيل ايطلعه حبل المجره

لو افصّل كل موقف واتعمق في فصوله
زادوا المرضى وثارت مشكلة نقص الاسرة

من خلقنا والسطر في روسنا تصهل خيوله
شغل الشباب والا شغل اصوات ال مره

ياخي الشاعر تمعن في الكلام اللي بقوله
دايم العاقل يسوق النصح للعاقل مبره

كان تبغى كل بيت امن البيوت ايصير توله
غنّ في ربعي ولن ماصار لك حق التشره

حطنا الله ركن لسبيع وسبيع اركون دوله
لا دعى الداعي وقفنا موقفٍ لله دره

التفاخر في مواقفنا البطولية بطوله
ليه مانفخر ما دام ان الفخر حنا مقره

من يسولف عن وفانا اللي محد يقدر يطوله
صار فعيون العرب مثل الامير اللي يشره

مجدنا بدرٍ مايحجبه الدجا لا ارخى سدوله
لا بدا ضحّك فضا الكون وضحك بحره وبره

من طناختنا كرامتنا تعد اكبر سيولة
مانفكر لو سقانا الوقت من صِبِره ومره

الكرامة خصلةٍ من خيرة اخصاله الرجوله
خلت التاريخ ياقف عند جساس ابن مره