梁栢堅婚禮直擊︱新郎興奮到想爆粗 愛的承諾：做老婆安穩依歸直到永遠（

今日是填詞人梁栢堅的大喜日子，跟圈外女友Fergana舉行簡單而隆重的婚禮，不羈浪子終於安定下來，好友紛紛送上祝福，欣宜、藍奕邦、盧巧音跟Kolor主音丈夫蘇浩才、盧覓雪和蝦頭等親臨到賀。

舉行儀式前，梁栢堅接受《娛壹》訪問，他難掩興奮，跟平日寸嘴模樣大有分別，心情既緊張又興奮，坦言好想爆粗，但新娘子和眾賓客都提他要忍住。
「心情係想爆粗，但又唔講得，好矛盾，盡量唔會啦！」他笑說。

被問到今日有沒有接新娘時，他說：「冇接呀，好似一路都喺度，識嗰陣咪接咗囉！」至於開門利是，他輕輕搖頭說：「呢啲成世畀架啦！慢慢嚟啦！」
雖然是填詞人，向來有文采，但寫結婚誓詞也考起他。「冇填詞咁快囉，唔好咁大期望。」

他在會場中，跟友人戲言結婚是埋單，他解釋：「埋單…咁可以再開（單）嘅，但係唔好啦，講真就係，結婚係一件好開心嘅事，埋單只係比較俗嘅講法。」

他向Fergana說出愛的宣言：「我會永遠愛着你，珍惜你，對你忠誠，做你安穩嘅依歸，直到永遠。」令Fergana冧爆。交換完戒指之後，賓客大叫「咀佢、咀佢」，而欣宜更是全程睇得非常肉緊。

除了雙方父母，梁栢堅的91婆婆也來觀禮，栢堅說：「多謝婆婆等咗我四十幾年。」


#梁栢堅 #娛壹
----------------------------------------------------------
即刻跟住Follow 晒我哋Channel：
FB： http://fb.me/as1hk.entertainment
IG：   / as1.entertainment  
YT：   / @as1.entertainment