Скачать или смотреть MINGGU ADVENT KE 1

Rambai Jaku:(IYA DEKA DATAI BARU)

Ari Batang Pengarap Nicea Kitai Ngaku JESUS Deka Datai Baru Enggau Mulia,Deka Milih Orang Ti Manah Enggau Orang Ti Jai,Semua Ti Agi Idup Enggau Ti Udah Mati.Penatai Iya Ti Keterubah Dikena Ngamatka Jaku Nabi Isaiah (Bagi 7 Ayat 14). Ke-2,Awaka Nyelamat Mensia Ari Dosa Sida, (1 John Bagi 3 Ayat 5). Ke-3,Iya Datai Ngambika Iya Ngerusak Pengawa Sitan.( 1John Bagi 3 Ayat 8) Ke-4,Awakka Ngelepas Ke Kitai Ari Kuasa Pemetang Lalu Mindahka Kitai Ngagai Perintah Anak Ke Dikerinduka Iya.(Kolosi Bagi 1 Ayat 13) Ke-5,Laban Iya Deka Mela Lalu Nyerahka Nyawa Diri Kena Nebus Orang Mayuh.(Mathew 20 Ayat 28). Ke-6,Mai Pengidup Ti Meruan Ari Allah Apai.(1 John Bagi 5 Ayat 11) Penatai Iya Ti Kedua Kali,Nadai Orang Nemu Maya,Semina Apai Aja Nemu. Penatai Iya Ti Kedua Kali Ukai Muai Dosa,Tang Deka Nyelamatka Orang Ke Nganti Iya.(Hebrew Bagi 9 Ayat 28). Sida Deka Tama Ngagai Pengidup Ti Meruan Lalu Deka Diau Enggau Tuhan Belama Lama Iya. Kitai Dipesan Bejaga,Besedia (Mark 13 Ayat 33) Laban Munsuh Kitai Sitan Bejalai Segau Segau Baka Singa Ti Negung,Begigaka Orang Ke Deka Di Empa Iya (1 Peter Bagi 5 Ayat 8). Paul Ngajar Kitai Awakka Kitai Diiring Ulih Roh Kudus Allah Taala.Roh Kudus Deka Negapka Kitai Dataika Ujung Ngambika Kitai Nadai Penyalah Lebuh Hari JESUS KRISTUS Tuhan Kitai Dipandangka (1 Korint Bagi 1 Ayat 7-8)