Скачать или смотреть श्री बगलामुखी कीलक स्तोत्रम्

श्री बगलामुखी कीलक स्तोत्रम्

ह्लीं ह्लीं ह्लीं कारवाणे रिपुदलदलने घोरगम्भीरनादे ।
ह्रीं ह्रीं-काररूपे मुनिगणनमिते सिद्धिदे शुभ्रदेहे ॥

भ्रों भ्रों भ्रों-कारनादे निखिल रिपु घटात्रोटने लग्नचित्ते ।
सातर्मातर्नमस्ते सकलभयहरे नौमि पीताम्बरो त्वाम् ॥1॥

क्रौं क्रौं क्रौं-मीशरूपे अरिकुल हनने देहकीले कपाले ।
हस्त्रौं हस्त्रौं स्वरूपे समरसनिरते दिव्यरूपे स्वरूपे ॥

ज्रौं ज्रौं ज्रौं जातरूपे जहि जहि दुरितं जम्भरूपे प्रभावे ।
कालि कङ्कालरूपे अरिजन दलने देहि सिद्धिं परां मे ॥ 2 ॥

हस्रां हस्रीं च हस्रैं त्रिभुवनविदिते चण्डमार्त्तण्डचण्डे।
ऐं क्लीं सौं कौलविधे सततशमपरे नौमि पीतस्वरूपे ।

द्रौं द्रौं द्रौं दुष्टचित्ताऽदलन परिणत बाहुयुग्म त्वदीये ।
ब्रह्मास्त्रे ब्रह्मरूपे रिपुदल हनने ख्यातदिव्यप्रभावे ॥ 3 ॥

ठं ठं ठं कारवेशे ज्वलन प्रतिकृति ज्वालमाला स्वरूपे ।
धां धां धां धारयन्तीं रिपुकुलरसनां मुद्गरं वज्रपाशम् ॥

मातर्मातर्नमस्ते प्रबलखलजनं पीडयन्तीं भजामि ।
डां डां डां डाकिन्याद्यैर्डिमकडिमडिमं डमरुकं वादयन्तीम् ॥4॥

वाणीं व्याख्यानदात्री रिपुमुखखनने वेदशास्त्रार्थपूताम ।
मातः श्री बगले परात्परतरे वादे विवादे जयम् ॥

देहि त्वं शरणागतोऽस्मि विमले देवि प्रचण्डोद्धते ।
माङ्गल्यं वसुधासु देहि सततं सर्वस्वरूपे शिवे ॥5॥

निखिलमुनिनिषेव्यं स्तम्भनं शर्वशत्रोः ।
शमपरमिह नित्यं ज्ञानिनां हार्दरूपम्॥

अहरहरनिशायां यः पठेद्देवि कीलम् ।
भवति परमेशो वादिनामग्नगण्यः ॥6॥


#बगलामुखी #baglamukhi #mata