အခြားနယ်စပ်ပေါက်များမှ ကျွဲ/နွား တရားမဝင်တင်ပို့မှုများ ပြုလုပ်လာ

▶ မူဆယ်နယ်စပ်ပိတ်ထားသဖြင့် အခြားနယ်စပ်ပေါက်များမှ ကျွဲ/နွား တရားမဝင်တင်ပို့မှုများ ပြုလုပ်လာ ++++++++++++++++++++++

မန္တလေးတိုင်းဒေသကြီးအတွင်းမှာ တရားဝင်ကျွဲနွားတင်ပို့တဲ့ ကုမ္ပဏီ ၅၀၀၀ ကျော်ရှိခဲ့ပေမယ့် လက်ရှိမှာတော့ အနည်းငယ်သာ ကျန်ရှိတော့တယ်လို့ ကျွဲ၊ နွားတင်ပို့ရောင်းချသူများအသင်းထံမှ သိရှိရပါတယ်။

ဒါ့အပြင် မူဆည်နယ်စပ်မှာ ပိတ်မိနေတဲ့ ကျွဲနွားတစ်သောင်းကျော်ကိုလည်း မြန်မာနိုင်ငံဘက်ကို ပြန်လည်ယူဆောင်ပြီး တရားမဝင်လမ်းကြောင်းကနေ တင်ပို့မှုတွေ လုပ်ဆောင်လာနေကြတယ်လို့ မန္တလေးတိုင်းဒေသကြီး ကျွဲနွားတင်ပို့ရောင်းချသူများအသင်း ဥက္ကဌ ဦးစိုးနိုင်က BETV Business ကိုပြောပါတယ်။

မြန်မာနိုင်ငံကနေ တရုတ်နိုင်ငံကို တရားဝင်လမ်းကြောင်းကနေ ကျွဲနွားတင်ပို့တဲ့ မော်တော်ယာဉ်မောင်းတွေကို သေနတ်တွေနဲ့ ပစ်ခတ်မှုတွေရှိခဲ့ပြီး ယာဉ်မောင်းနဲ့ ယာဉ်နောက်လိုက် (၃၀) ကျော် သေဆုံးခဲ့ရတယ်လို့ သိရပါတယ်။

တရုတ်နိုင်ငံနဲ့ မြန်မာနိုင်ငံကြား ကျွဲနွားတွေကို တရားဝင်တင်ပို့နိုင်ဖို့ လုပ်ဆောင်နေကြပေမယ့် လက်ရှိအခြေအနေတွေအရ နောက်ပိုင်းတွေမှာ တရားမဝင်လမ်းကြောင်းတွေ ပိုပြီး ဖြစ်ထွန်းလာမှာဖြစ်တယ်လို့ မန္တလေးတိုင်းဒေသကြီး ကျွဲနွားတင်ပို့ရောင်းချသူများအသင်း ဥက္ကဌ ဦးစိုးနိုင်က ပြောပြထားပါတယ်။

(သတင်းအပြည့်အစုံကို ရုပ်သံတွင် ကြည့်ရှုပါရန်)
သတင်းထောက် - မိစုစုမာ
#BETV
#Business
#COVID19
#Cattle_Export
#China_Myanmar_Border_Trade