Скачать или смотреть Tv Klan - Berisha: Rama po bllokon raportin e Këshillit për Ballukun

Kryetari i PD-së, Sali Berisha, thotë se kryeministri Edi Rama po bllokon dërgimin në Kuvend të raportit të Këshillit të Mandateve të socialistëve, me qëllim që të skadojë afati i shqyrtimit të kërkesës së SPAK.

Berisha deklaroi në një konferencë për mediat se, me këto veprime, Rama po pengon punën e drejtësisë për të mbrojtur veten e tij.

Ai ftoi qytetarët të protestojnë para Parlamentit ditën kur do të votohet për heqjen ose jo të imunitetit të deputetes Belinda Balluku.

Lideri i demokratëve tha gjithashtu se prokurorët që po hetojnë aferat ku janë të përfshirë ministra dhe vetë Rama po kërcënohen nga banda kriminale.

Sipas Berishës, integrimi i Shqipërisë në Bashkimin Evropian po bllokohet për interesa personale të kryeministrit Rama.

Pasdite, kryedemokrati bashkëbisedoi me banorë në Durrës, ku akuzoi qeverinë se braktisi 600 familje nën ujë, abuzoi me fondet e kanaleve dhe refuzoi të shpallë gjendjen e emergjencës. Nga qyteti bregdetar, Berisha paralajmëroi kryeministrin Rama se do të përfundojë në burg.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/