Vortex - Mu 3adla | فورتكس - مو عادله

https://vortexmerch.com

VORTEX
  / conscious.sinner  

اغنية مألفها من سنة و شي ، عن انواع الادمان
الفيرس الاول
(ادمان المثاليه)
ادمان المثاليه يزرع بعقول الناس فكر ان
(كل مدمن مخدرات شيطان و كل صاحي ملاك)
بس ياما شفنا ناس صاحيه بابشع قلوب
مو تبرير للادمان و لكن اخذ بعين الاعتبار
و هالشي زرع قناعه فيني ان مجرد بُعد الصاحي عن المخدرات ما يخليه كفؤ اني اصاحبه و مو شرط
المغزى
لا نستعيل بحكمنا و تقييمنا للناس من غير ما نغوص بشخصياتهم بعمق عشان نعرف معدن الناس هذه
لان يجوز ان الصور النمطية اللي بفكر اغلب المجتمع تخلينا غلطانين و ظالمين طول عمرنا

الفيرس الثاني
(ادمان النفاق)
المجتمع صار مزيف بنبذهم للصراحه و ادمانهم عالنفاق مما خلى وجود الشخص الصريح نادر جداً او يمكن على وجه الانقراض
الصراحه تجرح بالمدى القصير بس تفيد بالمدى البعيد
الناس تشوف ان ما نقدر نردع المنافق و يكتفون بـ (شنسوي بعد؟) بس الحل انك تنبذ المنافق و تبتعد عنه مهما كانت علاقتك معاه لين ما تخلي نفاقه نادر الوجود او على وجه الانقراض مثل ما نبذت الصريح بانجرافك لزيف المجتمع
المغزى:
المنافق اذا حس انه منبوذ راح يتغير و هذا هو المطلوب

الفيرس الثالث
(ادمان الحكم)
مو شرط اصير نفسكم عشان اصير انسان .. الله خلقني عشان اكون مختلف
و كوني انسان اميل للراب و لي توجه غير توجهك ما يعني اني غريب و استاهل الكره
في اشياء انت تحبها مو شرط انا احبها والعكس صحيح
لكن مو عقل انك تكره شخص بس عشان يحب شي غير اللي انت تحبه
ربما اكون افضل منك كشخص
ربما انت تخطئ من غير علمك بخطئك مما يخليك اسوء مني .. لاني اعلم بخطئي .. و علمي بالخطأ يأسس لي خط رجعه
كالاعتراف بالمشكله جزء من الحل
حكمة:
تكسيرك لمجاديف غيرك
لا يزيد ابداً من سرعة قاربك
و
قبل لا تحكم و تاشر بايدك .. نظفها


الكورس
وضع مجتمعنا يجبرك تنجرف بتيار اسمه (كون إمعه), لا تهتم, لا يكون لك راي لان سباحتك ضد التيار تخليك (مختلف) و هذا المجتمع ما يقبل بالاختلاف و هذا الوضع ما راح يتغير طالما المجتمع راضي و ساكت .. خوف المجتمع من الاختلاف و خوفهم من الانفراد بالراي ما يعطيهم الا حل واحد لهذه المعادله .. اللي اهو انك تجاري القطيع بلا عنوان

#فورتكس
  / conscious.sinner  

Video by:
  / rexadollar  

Beat By:
Beatowski

No money is made from this