Sjálfvirk íðorðataka

Í könnun, sem unnin var á síðasta ári, á íðorðavinnu og skráningu íðorða á ákveðnu fagsviði kom fram að mikill meirihluti telur íðorð skipta mjög miklu máli. Ýmislegt benti þó til að skráning á íðorðum væri tilviljunarkennd en rúmlega helmingur þátttakenda taldi það vandamál að íðorðum hefði ekki verið safnað saman á einn stað þar sem allir hefðu aðgang að þeim. Ýmis önnur vandamál komu fram, s.s. gamlir og úreltir íðorðalistar.

Hingað til hefur skráning íðorða verið unnið handvirkt af sérfræðingum í viðkomandi fögum og er sú vinna afar seinleg. Í málstofunni verður fjallað um nýjar leiðir til að finna íðorð og safna þeim saman. Kynntur verður veflægur hugbúnaður sem hefur verið þróaður til að safna sjálfvirkt mögulegum íslenskum íðorðum á ákveðnum fagsviðum.