Qozg‘istondagi o‘zbeklar yashaydigan qishloq - Sayram. Yassaviy ota-onalari qabrini ziyorat qildik

Avval xabar qilganimdek, Qozog'iston janubida minglab etnik o'zbeklar istiqomat qiladi. Ular xususida ko'rsatuv tayyorlash maqsadida men Qozog'istonga yo'l olib ular bilan suhbat qurdim.
Safarim davomida men Sayram dahasi tomon yo‘lga chiqdik. Yo‘l oldidan biz Chimkentning mashhur Kvasidan tatib ko‘rdik. Qisqa fursatda Sayramga ham yetib oldik. Qayd etish kerak, avvlari alohida qishloq sanalgan bu hudud bugungi kunda Chimkent shahriga qaraydigan daha sanaladi. Sayram Markaziy Osiyoning qadimiy markazlaridan bir hisoblanadi.
Ma’lumotlarga ko‘ra, Sayram Qozog‘istonning o‘zbeklar istiqomat qiladigan eng katta qishlog‘i bo‘lgan. aholining 95 foizi o‘zbeklardir. Qishloqda 11 ta o‘zbek maktabi, o‘zbek drama teatri faoliyat yuritadi
Ma'lumki, Qozog'iston o'zbeklari nomi tilga olinganda ko'pchilikning hayoliga Sohibqiron Amir Temur tomonidan qurdirilgan Ahmad Yassaviy Maqbarasi sanaladi. Ko'pchiligimiz ushbu ziyoratgohga borganmiz ham. Ammo Sayramda Ahmad Yassaviyning ota va onalari shuningdek bobolarining qabri borligini, alohida maqbara shakliga keltirilganidan xabaringiz bormi ?
Men bu yerda Sharif aka ismli tarixchi bilan tanishdim. Ular bilan dastlab Ahmad Yassaviyning otalarining qabri joylashgan Ibrohim ota maqbarasini ziyorat qildik. Majmuadagi qabri yonida qur'on tilovat qildik
maqbara ma'lumotlarida negadir 17-18 asrga taalluqli tarixiy obida deb yozilgan. Agar tarixiy ma'lumotlarni taqqoslasak Ahmad Yassaviy 1100 yillarda yashagan inson deya ta’kidlanadi. Ammo ularning otasining qabri deya ta’riflanadigan tarixiy obidada 17-18 asr deya yozib qo‘yilibdi.
Navbatdagi manzil Qorasoch momo maqbarasi. Ahmad Yassaviyning onalari mangu ko‘ngim topgan deya aytiladigan ushbu maqbara xususida ham ma’lumotlarga ega bo‘ldik.
Aytishlaricha, zah bo‘lmasligi fundamentga yog‘och aralshtirilgan ekan bu ham qadimi arxitektura sirlaridan biri sanaladi.
Tashrifim doirasida boshqa ziyoratchilarga ham duch keldik. O‘zbek millatiga mansub onaxon yiliga 4 marotaba bu maqbaraga kelishini va uning xususiyatlari haqida fiklarini izhor qildi.
Ketar chog‘imiz onaxonning o‘g‘li Niva mashinasida kelganini, raqamiga ataying "Uz" yozuvini qo‘ydirganini bilib oldik.
Navbatdagi manzil Xoja Ahmad Yassaviyning bobolari dafn etilgani aytiladigan Mahmudxon ota ziyoratgohi.
Bu yerda ham qur’on tilovat qildik.
Kun davomida Sayramdagi boshqa ziyoratgohlarga ham bordik. Shuningdek bu yerdagi mahalliy o‘zbeklar bilan suhbat qurdik. Bu haqda keyingi videoda ma’lumotlarga ega bo‘lasiz.