Скачать или смотреть AFISA MAENDELEO YA JAMII AMPONGEZA RAIS SAMIA KWA KUWASAIDIA WANANCHI KUPATA MIKOPO ISIYO NA RIBA.

Mkuu wa Idara ya Maendeleo ya Jamii Halmashauri ya Wilaya ya Ukerewe Wanchoke Chinchibera amesifu juhudi zinazotekelezwa na serikali ya awamu ya sita chini ya Rais wa Jamhuri ya Muungano wa Tanzania Mhe. Samia Suluhu Hassan kwa kuleta fedha nyingi kwa ajili kukopeshwa vikundi mbalimbali ili kujiletea maendeleo na kuinua uchumi wao.

Chinchibera ameyasema hayo leo mchana 06.03.2023 akiwa katika eneo la Shule ya Sekondari Ukerewe iliyopo Kata ya Kagunguli wilayani hapo wakati wakitoa elimu kwa wanafunzi wa Shule hiyo juu ya masuala ya Ukatili wa Kijinsia kwa Kushirikiana na Asasi ya Sauti ya Wanawake Ukerewe (SAWAU).

Meneja Mradi wa Asasi hiyo Bi. Hadija Ferooz amefafanua kuwa Asasi ya Sauti ya Wanawake Ukerewe (SAWAU) ilianzishwa katika halmashauri ya Wilaya hiyo kwa lengo la kutokomeza Ukatili wa Kijinsia na Mira potofu katika jamii ya Ukerewe na nje ya hapa, aidha Ferooz amefafanua kuwa hadi sasa wanafanya kazi katika kata tano ambazo ni kata ya Bwiro, Ilangala, Kakukuru, Bukungu na Irugwa.

Ferooz amefafanua mikakati waliyoiweka kuhakikisha jamii inapata elimu hiyo kuwa ni pamoja na katika kata hizo kila kata wameandaa kamati zenye wajumbe 11 ambao watahakikisha wanakuwa mabarozi katika kupinga Ukatili wa Kijinsia katika maeneo yao.

#Kaziiendelee