Скачать или смотреть የጻዱቁ አቡነ እጨጌ ዮሐንስ ገድል ባጭሩ በረከታቸው ይደርብን ቃልኪዳናቸው ይጠብቀን

የአቡነ እጨጌ ዮንስ ተአም

ቡነ ተክለ ሃይማኖትና የቆብ ልጃቸው አቡነ ዮሐንስ አብረው በጎንድ በታላቅ ተጋድሎ ይኖሩ ነበርና በአንደኛው ዕለት ወጥ እየሠሩ ሣለ ወጡ ሊገነፍል ሲል አቡነ ተክለ ሃይማኖት ማማሰያ ሊያመጡ ይሔዳሉ፡፡ እርሳቸውም ማማሱውን ይዘው ሲመለሱ አቡነ ዮሐንስ ግን እሳቱም ወጡም ሳያቃጥላቸው በእጃቸው እያማሰሉት ነበር፡፡ ከዚኽም በኋላ አቡነ ተክለ ሃይማኖት ‹‹ይኽ ቦታ ከእኔ ይልቅ ለአንተ የተገባ ነው›› ብለው ተሰናብተወቸው ከጎንድ ወደ ደብረ ሊባኖስ ሔዱ፡፡

አቡነ ዮሐንስም ጉንድ ተክለ ሃይማኖት ገዳምን በአባታቸው በአቡነ ተክለ ሃይማኖት ስም ሰይመውት ገዳሙን አቅንተው በቦታው ላይ በታላቅ ተጋድሎ ኖሩ፡፡ ገዳሙም ዛሬ ‹‹ጉንድ ተክለ ሃይማኖት አንድነት ገዳም›› ተብሎ ይጠራል፡፡ አቡነ ዮሐንስ ዘጠገሮ ጨረቃንና ፀሐይን በእጃቸው እየያዙ ይጸልዩ የነበሩ በመንዝ በይፋት ያሉ ክርስቲያኖች ብርዱን ውርጩን በስማቸው የሚገዝቱባቸው ታላቅ የበረከት አባት ናቸው፡፡

በኢየሩሳሌም ለ50 ዓመት፣ በሀገራችን ኢትዮጵያ ለ450 ዓመታት ኑረዋል፡፡ ዕጨጌ ዮሐንስ በአንድ በዓት ተወስነው የሚቆዩት ለ50 ዓመት ነበር፡፡ በሀገራችን 5 የተለያዩ በዓቶች ነበሯቸው፡፡ በደብረ ሊባኖስ፣በጠገሮ፣ በአዘሎ፣ በፍርኩታና በሌሎቹም ታላላቅ ቦታቦዎች ላይ በእያንዳንዱ ገዳም ሃምሳ ሃምሳ ዓመት በጸሎት ኖረው በአጠቃላይ በ500 ዓመታቸው ነው በዛሬዋ ዕለት ያረፉት፡፡ ዐፅማቸው መንዝ ከአርባ ሐራ መድኃኔዓለም አጠገብ ፍርኩታ ኪዳነ ምሕረት ገዳም ውስጥ ይገኛል፡፡ አቡነ ዮሐንስ ዘጠገሮ ረድኤት በረከታቸው ይደርብን፣ በጸሎታቸው ይማረን!