💎 യേശുവിന്റെ നാമത്തിൽ

"സഭയിൽ നടക്കുന്ന ചില പ്രവൃത്തികൾ കാണുമ്പോൾ വിശ്വാസം പോലും നഷ്ടപ്പെടുമെന്ന് ഞാൻ ഭയപ്പെടുന്നു" എന്നിങ്ങനെ ചിലർ പറയാറുണ്ട് ... സ്നേഹിതാ, ഏതെങ്കിലും ഒരു ദൈവദാസൻ്റെ, പുരോഹിതൻ്റെ ദുഷ്പ്രവൃത്തികൾ നമ്മുടെ വിശ്വാസം കുറയുന്നതിനോ, നഷ്ടപ്പെടുന്നതിനോ കാരണമാകരുത്. എന്തെന്നാൽ, ഇന്നല്ലെങ്കിൽ നാളെ ഓരോരുത്തനും അവനവൻ്റെ പ്രവൃത്തിക്ക് ഒത്തവണ്ണം പ്രതിഫലം നല്കുന്ന ദൈവത്തിൻ്റെ മുമ്പാകെ നമ്മൾ സഭയായിട്ടല്ല, വ്യക്തിപരമായിട്ടാണ് കണക്ക് ബോധിപ്പിക്കേണ്ടിവരിക. സത്യത്തിൽ ദൈവത്തെ ആരാധിക്കാൻ ഒരു സഭയുടെ അല്ലെങ്കിൽ സുവിശേഷപ്രസ്ഥാനത്തിൻ്റെ സഹായം കൂടിയേതീരൂ എന്നൊന്നുമില്ല. കാരണം,"രണ്ടോ മൂന്നോ പേർ എൻ്റെ നാമത്തിൽ കൂടി വരുന്നേടത്തൊക്കെയും ഞാൻ അവരുടെ നടുവിൽ ഉണ്ട്" (മത്തായി 18:20) എന്നല്ലേ നമ്മുടെ കർത്താവ് അരുളിച്ചെയ്തിരിക്കുന്നത്‌. അന്ന് നമ്മുടെ കർത്താവ് ചാട്ടവാർ എടുത്തിട്ടുപോലും പരീശന്മാർക്കും പുരോഹിതന്മാർക്കും ഒരു മാറ്റവും ഉണ്ടായില്ല... അതേ, പാപത്തിൻ്റെ അഗാധഗർത്തത്തിൽ വീണു കിടക്കുന്നവർക്ക് അതിൽ നിന്ന് രക്ഷപ്പെടണമെന്ന് വിചാരിച്ചാൽ പോലും ചിലപ്പോൾ സാധിക്കാതെ വന്നേക്കാം.... ആകയാൽ, അന്ന് അരിമത്യക്കാരനായ യോസേഫ് അവരുടെ ആലോചനയ്ക്കും പ്രവൃത്തിക്കും അനുകൂലമല്ലാതിരുന്നതു പോലെ, നമുക്കും അവരുടെ ദുഷ്പ്രവൃത്തികളിൽ കൂട്ടാളികളാകാതിരിക്കാം.

#വിശ്വാസജീവിതയാത്ര