Скачать или смотреть NENO LA SIKU | Marko 10 | Maombi Ya Kushinda Roho Ya Mateso | Isaac Javan

Leo tunasoma kitabu cha Marko sura ya kumi, na tunaenda kufanya maombi ya kushinda roho ya mateso. Hii ni aina ya roho inayozuia mtu asivuke, asipige hatua, na asipone. Badala yake inamfanya mtu aendelee kubaki mahali alipo ili azidi kuteseka.

Ni aina ya roho ambayo inatenda kazi kwenye kila eneo, kuanzia kwenye familia, kwenye ndoa, kwenye kazi, kwa watoto, na maeneo yote yanayogusa maisha ya mtu. Na kitu kibaya kuhusu hii roho ni kwamba, inafunga mlango wa msaada katika maisha ya mtu.

Lakini ukisoma kwenye neno la Mungu, maandiko yanatuambia Mungu atayakomesha mateso na kuyazuia yasirudi mara ya pili. Na ndicho kitu tunachoenda kukiomba siku ya leo. Tunaenda kuishinda roho ya mateso na kumuomba Mungu azuie tusiteseke tena.

Maombi haya ni maalum kwa mtu yeyote anayepitia kwenye mateso na anahitaji msaada. Maombi haya yatakusaidia kupata ushindi katika eneo ulilokwama, na yatakusaidia kuondokana na mateso na kutembea katika uhuru ndani ya KRISTO YESU.

Nakuombea kupitia maombi ya leo ukamuone Mungu, ukavuke, ukapone, na ukawe huru kweli kweli. Ninachokuomba, uwe mwaminifu katika maombi. Omba kwa imani, na uombe kwa kumaanisha, na utamuona Mungu akikushindia na kukuvusha pakubwa.

Mungu akubariki sana kwa baraka za milele yote. Damu ya YESU iliyomwagika pale msalabani ikushindie katika maombi ya leo. Mungu akupe ukurasa mpya wa maisha ya amani na ushindi mkuu. Neema ya KRISTO YESU ikufunike na kukuhudumia katika mahitaji yako. Katika jina la YESU. Amen!

Isaac Javan
+255 745 76 45 72