Dasa bhukti calculation | Dhasa pukthi | Dhasa bukthi | தசாபுக்தி கணக்கிடுவது எப்படி?

தசாபுக்தியை கண்டுபிடிப்பது எப்படி?
தமிழன் மீடியாவை பின்தொடரும் பலர் ஜோதிடம் அறிந்தவர்களாக இருக்கலாம். அப்படியானால் உங்களுக்கான பதிவு அல்ல இது. ஆர்வம் உள்ளவர்களாக இருக்கலாம். தெரிந்து கொள்ளலாம் என நினைக்கலாம். அப்படியானால் உங்களுக்குத்தான் இந்த பதிவு, இந்த சேனலை நீங்கள் பின்தொடர்ந்தால், கண்டிப்பாக ஜோதிட நுட்பங்களை அறிந்து கொள்ள முடியும். உங்கள் ஜாதகத்தை நீங்களே பார்த்து தெரிந்து கொள்கிற அளவிற்கு உங்களை தயார் செய்யும் முயற்சிதான் இது. பதிவுகளை தொடர்ந்து கவனித்து வந்தால் ஒரு விஷயம் புரியும். இதுவரை வெளியே சொல்லாமல் ஒளித்து வைத்த ஜோதிட ரகசியங்களை, தான் மட்டும் அந்த பலன்களை சொல்லி, அந்த ஜோசியர் புட்டு புட்டு வைப்பார் என்று பெயர் வாங்குவதற்காக பல ஜோதிடர்களால் மறைத்து வைத்த பல செய்திகளை, பொதுவெளியில் சொல்லி வருகிறேன். ஒருகாலத்தில் மன்னருக்கு மட்டுமே ஜோதிடம் இருந்து. அன்றாடம் காலை வேளையில் அரண்மனை ஜோதிடர் மன்னருக்கு தினப்பலன் சொல்வார். மன்னா இன்று தெற்கே இருந்து செய்தி வரும், வடக்கே இருந்து தூதுவரும் என்று சொல்லிக் கொண்டிருந்த ஜோதிடம் மெல்ல குறுநிலமன்னர்கள், அமைச்சர்கள், ஐமீன்தார்கள், நிலபுரபுக்கள் என்று வளர்ந்து, உங்களுக்கும் எனக்கும் வந்தது சுமார் 100- 150 வருடங்கள்தான் இருக்கும். இதிலும் ரகசியம், ஒளிவுமறைவு நிறைய இருக்கு.