Скачать или смотреть నగరంలో గెహిస్ లీగల్ సర్వీసెస్ ప్రారంభం | Gehis Leagal Services Now In Hyderabad| Addanki Dayakar |

అంతర్జాతీయంగా చట్టపరమైన విషయాలలో సేవలందిస్తున్న గేహిస్ సంస్థ దేశంలో రెండవ అతిపెద్ద కార్యాలయాన్ని హైదరాబాద్ నగరంలో నాలెడ్జ్ పార్క్ లో ఏర్పాటు చేసినట్లు ఆ సంస్థ ప్రిన్సిపల్ ఫౌండర్ ఎన్.ఎం గెహి తెలిపారు. బంజారా హిల్స్ లోని హోటల్లో ఏర్పాటు చేసిన విలేకరుల సమావేశంలో కాంగ్రెస్ పార్టీ రాష్ట్ర ప్రధాన కార్యదర్శి అద్దంకి దయాకర్ తో కలిసి సంస్థకు సంబంధించిన బ్రోచర్ ను ఆవిష్కరించారు. ఈ సందర్భంగా ఎన్ ఎం గెహి మాట్లాడుతూ
అగ్రరాజ్యం అమెరికాకు వెళ్లే వారికి ఎదురయ్యే ఇమిగ్రేషన్ సమస్యలతో పాటు అక్కడ నివసిస్తూ న్యాయపరమైన చిక్కుల్లో పడ్డ వారికి తమ సంస్థ సేవలు అందిస్తుందని చెప్పారు. గేహిస్ ముంబాయి తర్వాత రెండవ అతిపెద్ద కార్యాలయాన్ని హైదరాబాద్ నగరంలో ఏర్పాటు చేయడం గర్వకారణమని అద్దంకి దయాకర్ అన్నారు. తెలుగువారు అత్యధికంగా అమెరికాలో నివసిస్తున్నారని అలాంటివారికి అక్కడ తలెత్తే సమస్యలకు సరైన సలహాలు అందిస్తూ పరిష్కారాల కోసం పనిచేస్తున్న సంస్థ సేవలను వినియోగించుకోవాలని కోరారు.