|| Tuhun Zomi ~ Thawn Kham || Cover CinBawiTeam ||

Tukum I Zomi namni muak na ding in cover khat hong bawl kik ung. Hila pen ka deih mahmah la khat uh hi in, I lapu Thawnkham lamal te' a daikdaik tulai tak I dinmun tawh kituak lua ahih man in, I lung hong vut ngaungau hi. Hi latawh tha lakawhm ciatni Zomi.

Tuhun Zomi
Lasa : Thawn Kham

V1: Zomi ih nun zia lung ka gel gel ciang
Lung ngai khua ngai huai lua sang nge
Nam khat kam khat ci’n
Beh khat phung khat ci’n
Bang in ei hong khen khen hiam?
Sum leh pai deih na min leh vang deih ma’n
Ang sung bek bek ki khual luat na
Lam dawt tawn hauh na phung cing lo pil na
Tung sian mang mel in mah e

2:Makai leh sia te’n itna deih sak na
Mai lam sau pi gel in hawm un
Nauh tang nung zui te’n
Thu mang tha siat lo diam diam liai liai e ci aw
Biak na up zia leh Gam leh nam thu te
Tuu leh keel bang khen nawn kei ni
Thu leh la kan in khua dak khua ngai ni
Gam leh nam in hong ngak nge

Chorus: Zogam Zomi aw thu man ci tak in
Zolai zopau aw khan kum khua sawt in
Koi khua e hen zong Zomi zo ngei na
Nun tak pih ding sih pih ding
Zogam lei tang aw tang bang hong dam in
Zogam Zomi aw ken hong it lua ing
Zogam aw Zomi nun nuam hong pal in
Khang sawt mom no U leh nau
Han lung ciam ni......ei...

V3: Zogam zolei ah kawl gam vai gam ah
Tui pi gal ah Zomi te aw?
Inn kuan nun tak na beh leh phung pawlpi
Khua leh tui aw hong ci un
Zogam ngai ung ci’n
Zomi it ing ci’n
Cihk ciang dawn bang ih tuah zo diam
Vai bang nong ciah ding hai bang ngak lah e
Vang khua mual in hong ngak ei

V4: Ma ih pan ciat ah han ciap na sem ni
Itna in thu sia thu pha tun
Zo gam lei tang pan nun tak cih thei na
Sian in tui bang luan ding a
Inn kuan U leh nau biak na khua leh tui
Gam leh nam a ding nei sa gil na
Itna vei na tawh a pia khia mite
Tung sian mang mel in lang nge

CHORUS

Bridge:
Pil leh siam zong hi
Neih leh lam zong hi
Khang tam pi man ding maw?
Khang khat bek man ding
Nu leh pa te aw U leh nau te aw
Zogam om zia Zomi nun zia
Lung neu huai lua lung mang huai lua
Hey...