Скачать или смотреть “जनताले राजनीतिक नेतृत्वप्रति विद्रोह गरे, अब कर्मचारीतन्त्रले पनि आत्मसमीक्षा गर्नुपर्छ”

पछिल्लो चुनावी नतिजाले नेपालका परम्परागत राजनीतिक संरचनामाथि मात्रै होइन, शासन–प्रशासनको कार्यशैलीमाथि पनि गम्भीर प्रश्न उठाएको छ। सेवा प्रवाहप्रति नागरिक असन्तुष्टि बढ्दै गएको र विकास निर्माणका काममा अपेक्षित गति नआएको सन्दर्भमा नयाँ राजनीतिक नेतृत्व र कर्मचारीतन्त्रबीचको सम्बन्ध तथा प्रशासनिक सुधारको दिशा कस्तो रहला भन्ने विषय अहिले बहसको केन्द्रमा छ।

यही सन्दर्भमा प्रशासन डटकमले सुरु गरेको विशेष मल्टिमिडिया बहस श्रृंखलाअन्तर्गत पूर्व मुख्यसचिव डा. विमल कोइरालासँग बदलिँदो राजनीतिक परिस्थिति, प्रशासनिक संरचना, कर्मचारीतन्त्रको भूमिका तथा सेवा प्रवाह सुधारका विषयमा समाचार प्रमुख एसराज उपाध्यायले गरेको कुराकानीको सम्पादित अंश प्रस्तुत गरिएको छ।

यस अन्तरवार्तामा प्रशासनलाई प्रक्रियामुखीबाट नतिजामुखी प्रणालीतर्फ रूपान्तरण गर्ने आवश्यकता, नयाँ राजनीतिक नेतृत्व र कर्मचारीतन्त्रबीच समन्वय, सेवा प्रवाह सुधारका चुनौती, संघीय संरचनामा केन्द्र–प्रदेश–स्थानीय तहबीच समन्वय तथा प्रशासनिक प्रणालीमा आत्मसमीक्षाको आवश्यकता जस्ता विषयमा विस्तृत चर्चा गरिएको छ।

प्रशासन डटकमले परिवर्तित राजनीतिक परिदृश्यका बीच सार्वजनिक प्रशासन सुधारका विविध आयाममाथि केन्द्रित गर्दै विशेष मल्टिमिडिया बहस श्रृंखला सञ्चालन गरिरहेको छ। यसअन्तर्गत भिडियो, अडियो र टेक्स्ट सामग्रीहरू प्रशासन डटकमका डिजिटल प्लेटफर्म र सामाजिक सञ्जालमार्फत क्रमशः प्रकाशन तथा प्रसारण भइरहेका छन्।