ફેક ડોક્યુમેન્ટથી અમેરિકન પાસપોર્ટ કઢાવ્યો, 10 વર્ષ પછી રિન્યૂ પણ કરાવી દીધો

અમેરિકામાં જો તમારી પૈસા ખર્ચવાની તૈયારી હોય તો ફેક સોશિયલ સિક્યોરિટીથી લઈને ડ્રાઈવિંગ લાઈસન્સ અને હવે તો નકલી ગ્રીન કાર્ડ પણ મળી જાય છે, પરંતુ આ ડોક્યુમેન્ટ્સનો જો કોઈ સરકારી કામમાં યુઝ કરવા જાઓ તો પકડાઈ જવાના પૂરા ચાન્સ રહે છે. અમેરિકાની સિસ્ટમ કહેવા ખાતર ભલે એકદમ જડબેસલાક હોય પરંતુ ક્યારેક આ જડબેસલાક સિસ્ટમમાંથી આખેઆખો હાથી નીકળી ગયા બાદ તેનું પૂંછડું ફસાઈ ગયું હોય તેવો ઘાટ પણ સર્જાતો હોય છે. આવી જ એક ઘટનામાં 2008માં ઈલીગલી USA આવેલી અને ફેક આઈડેન્ટિટી ધારણ કરીને અમેરિકન પાસપોર્ટ પણ કઢાવી લેનારી એક મહિલાની ધરપકડ કરવામાં આવી છે અને હવે આ મહિલાએ પોતાનો ગુનો પણ કબૂલી લીધો છે. જોકે, નવાઈની વાત એ છે કે ફેક ડોક્યુમેન્ટ્સ પર પાસપોર્ટ કઢાવનારી આ મહિલા તેના પર અનેકવાર યુએસની બહાર જઈ આવી હતી અને તેણે પોતાનો પાસપોર્ટ દસ વર્ષ બાદ રિન્યૂ કરાવ્યો ત્યારે પણ તેના કાંડની અમેરિકાના કહેવાતા હોશિયાર અધિકારીઓને જરા સરખી ગંધ નહોતી આવી. પરંતુ દરેક ચોર ક્યારેક ઓવર કોન્ફિડન્સમાં આવીને એકાદ ભૂલ કરી બેસતો હોય છે અને આ ભૂલ જ તેનો ખેલ ખતમ કરી દેતી હોય છે, આ કેસમાં પણ અમેરિકન સિટીઝન બની ગયેલી મૂળ ગ્વાટેમાલાની આ મહિલાથી એક ભૂલ થઈ ગઈ હતી અને તેના લીધે તેની ચોરી પકડાઈ ગઈ હતી.

જુઓ અમારી વેબસાઈટ: https://www.iamgujarat.com/
વધુ વિડીયો જોવા માટે ક્લિક કરો: https://gujarati.timesxp.com/
IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...