كلام للحلوة.. محمد الأمين (عود)

نعالج القبح بالجمال
ـــــــــــــــــــــــــــــــــــــــــــــــــــ
كلام للحلوة
ـــــــــــــــــــــــــــــــــــــــــــــــــــ
كلمات: هاشم صديق
ألحان: محمد الأمين
بورتريه: عماد عبد الله
ـــــــــــــــــــــــــــــــــــــــــــــــــــ
لما شفتك ليلي ضو وبقّ نور
ونرجس الجنة المفرهد
رفّ بي جنحات عطور
***
غنى فارسك
خت صورتك في الإطار
في الليالي نجم يلالي
ونسمة في وهج النهار
وقال في وصفك لما بنتي
أحلى منك برضو إنتِ
مافي زول غيرك معانا
حتي كان يا السمحة غبتي
***
ومرة جالن ألف خاطر
بي عيون عقلي المساهر
فجأة عينيك الحبيبة
قالوا سارح وين مسافر
عشت قولن شيل وصفقة
وقلت بس ياريتني أبقى
همسة في حلم الأميرة
أو سبايب في الضفيرة
أو عقيد في تبر جيدها
أو قليب في راحة إيدا
***
يا زمان أسمعني وأكتب البريدا
وريدا سيدي وريدي سيدا
الزمان لو حتى بالغ
ما أظن في زول يعيدا
***
يا حلاتك مرة همسة ومرة نسمة
ومرة هلت نجمة غابت
ومرة صحوة غمزة نامت
ومرة ضحكة ترضي شوقنا
ومرة كلمة تضوي فوقنا
ولما نسرح فيك قادلة
زي ملايكة علينا نازلة
بس نغني يا حلاتكم إنتو
يا أهلنا يا مصابيحنا
ونجومنا الضاوية في واحات زمنا
……..
إنا لله ياخ