Скачать или смотреть Traffic | Problem | Population | Solution | Satyajeet Tambe | Monsoon Session | Maharashtra |

ट्रॅफिक समस्येपासून सर्वसामान्य जनतेला कायमचा दिलासा देण्यासाठी काही ठोस उपाययोजना करण्यासंदर्भात विधिमंडळात आवाज उठवला.

📌 पार्किंगशिवाय वाहन विक्री रोखण्यासारखे कठोर निर्णय घेणे आवश्यक आहे.
📌 शहरांतील वाहतूक नियोजनासाठी गृह विभाग, नगरविकास विभाग आणि पोलीस विभाग यांनी समन्वयाने काम करणे गरजेचे आहे.
📌 प्रत्येक शहरात 'पार्किंग अ‍प', स्मार्ट सिग्नलिंग, सीसीटीव्ही देखभाल यांसारख्या मूलभूत सुविधा तात्काळ उपलब्ध करून द्याव्यात.
📌 1,000 कोटी रुपयांच्या ई-चलन वसुलीमागे सामान्य नागरिकांची फसवणूक होणार नाही याची शासनाने हमी द्यावी.
📌 महाराष्ट्रात 5,00 लोकांमागे फक्त एक ट्रॅफिक पोलीस ही अत्यंत असमाधानकारक स्थिती आहे, यावर उपाय आवश्यक आहे.
📌 वसई-विरारसारख्या ठिकाणी एआय (AI) तंत्रज्ञानाचा यशस्वी वापर ट्रॅफिक नियंत्रणासाठी झाला आहे, अशा उपायांचा राज्यभर विस्तार करावा.
📌 स्मार्ट सिटी, सायकल ट्रॅक, BRTS, पादचारी मार्ग यांचा खऱ्या अर्थाने उपयोग होतो आहे का, याचा पुनर्विचार व्हावा.
📌 नगरविकास, पोलीस, एमएसआरडीसी, नॅशनल हायवे, महानगरपालिका व इतर संबंधित विभागांनी एकत्र येऊन वाहतूक नियोजनासाठी राज्यस्तरीय संयुक्त बैठक घ्यावी व ठोस उपाययोजना आखाव्यात.

माझ्या सूचनांवर उत्तर देताना मंत्री उदय सामंत यांनी पुढील आश्वासन दिले:

📌 ट्रॅफिक, ई-चलन, आणि पार्किंगसारख्या विषयांवर गृह व परिवहन विभागांच्या संयुक्त बैठका नुकत्याच पार पडल्या आहेत.
📌 मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या निर्देशानुसार यासाठी राज्यस्तरीय उच्चस्तरीय समिती स्थापन करण्यात आली आहे.
📌 ई-चलनातील गोंधळ, कॅमेऱ्यांच्या अनियमितता आणि चुकीच्या कारवायांच्या चौकशीसाठी स्पष्ट निर्देश देण्यात आले आहेत.
📌 पुणे, मुंबई, नागपूर येथे मेट्रोचे विस्तृत प्रकल्प, रिंगरोड आणि सागरी महामार्गांमुळे भविष्यात वाहतुकीचा भार निश्चितच कमी होईल.
📌 सकाळी 7 ते रात्री 10 दरम्यान जड वाहनांना शहरात प्रवेशबंदी करण्याचे आदेश काही महानगरपालिकांना देण्यात आले आहेत.

राज्यात दिवसेंदिवस वाढणारी वाहनांची संख्या आणि त्या तुलनेत अपुरी व अरुंद रस्त्यांच्या व्यवस्थेमुळे सामान्य माणसाला रोज मोठ्या प्रमाणात मानसिक त्रास सहन करावा लागत आहे. पुणे, मुंबईसारखी महानगरं जगातील सर्वाधिक ट्रॅफिक असलेल्या शहरांच्या यादीत सातत्याने अग्रस्थानी असणं हे आपल्या सर्वांची चिंता वाढवणारं वास्तव आहे.

या विषयावर प्रकाश टाकताना मी ज्या सूचना मांडल्या त्याची अंमलबजावणी झाल्यास या सर्व समस्यांवर काही प्रमाणात प्रभावी तोडगा निघू शकेल. मंत्री उदय सामंत यांनी सर्व सूचना ऐकून सकारात्मक प्रतिसाद दिला व या सूचनांचा उपयोग पुढील कार्यवाहीसाठी नक्कीच केला जाईल, असे आश्वासन दिले.

माझी अपेक्षा आहे की या निर्णयांची अंमलबजावणी लवकरात लवकर होईल, कारण शहरं सुसज्ज, वाहतूक सुकर आणि नागरिकांचं जीवन सुलभ करण्यासाठी कठोर पण परिणामकारक निर्णय घेण्याची हीच योग्य वेळ आहे.

#PublicTransport #SmartCity #BetterInfrastructure #MetroForMasses #Traffic #MonsoonSession #Maharashtra