HA'U NIA KNUA Eds #01, Festa Ritual "Fuah Ton" ba Fatu Sinai Tuir Lisan Komunidade Beneufe

Festa Ritual "Fuah Ton" hanesan festa ritual ne'ebe komunidade Beneufe Citrana sempre halo tinan-tinan atu husu udan ben husi parte tasi atu hetan matak malirin ba aihan ne'ebe ita kuda ona no bele hetan produsaun ne'ebe diak. iha festa ritual ne'e halo husi suku Beneufe maibe la taka dalan mos banebe hakarak hola parte ba festa ritual ida ne'e.
Prosesu ba Serimonia ritual ne'e hahu komesa husi uma atun hatun sanan lulik ne'ebe husi tempu beiala nian no lori ba fatin kultura ho naran "Tepa Naek" antes lori ba fatin refere lia nain sei kompleta tan sasan seluk hanesan osan, mortem, bua, animal moris ho seluk tan, depois sei hamulak ba uma ne'e husus lisensa atu lori sanan lulik ba hatur iha nia fatin " Tepa Naek".
iha prosesu ida ne'e mos sei oferese hahan ne'ebe hamulak ona no sei tau iha bero oan ida sei hatun ba iha mota laran no signifika katak ,hahan ne sei to iha fatu sinai tuir lia nain nian koalia.