Nostalgia Yulduz Usmonova 1992 yil

TOPILMAYDI

So'z: M.Yusuf, Musiqa: Y.Usmonova

Topilmaydi topilmaydi topilmaydi bu davradan
Menga hamdam topilmaydi
Yomg'irdek yog'adi ko'zdan mehr yoshim
Qon yurakka dard-u malham topilmaydi


Qo'y ey bulbul ko'nglim qolgan sendan ham
Suyib yor kuyganlaring yolg'on mendan ham
Topilgay bor sendagi armon mendan ham
Mendagi ishq mendagi g'am topilmaydi


Kelar qaytib bir kuni ketgan odamlar
Forig' bo'lgay bu boshdin ham malomatlar
Topilgay do'st topilgay yor parizodlar
Qani otam qani onam topilmaydi


Husumat sen nechun buncha tutoqasan
Nechun otash ko'nglimni yana yoqasan
Qo'lingga tosh olib yo'limga boqasan
Ketaman bir kuni sadoim topilmaydi

Ushbu video shahsiy arhivimdan sizlar uchun maxsus.