Şəhidin adını daşıyan küçənin yolu bərbad vəziyyətdədir

#APATV #Lənkəran #Girdənikəndi #küçə #yol #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi


Lənkəranda şəhidin adını daşıyan küçənin yolu bərbad vəziyyətdədir.

APA TV-nin yerli bürosunun verdiyi xəbərə görə, rayonun Girdəni kəndində yerləşən bu yol sakinlərə müəyyən problemlər yaradır. Payız və qış mövsümündə hava şəraitinin yağıntılı keçməsi nəticəsində yoldakı vəziyyət daha da pisləşib. Həm piyada, həm də avtomobillə yolu keçmək müşkülə çevrilib.

Problem odur ki, küçə guya şəhidin adınadır. Şəhidin adına olan küçə belə olar, bu gündə olar? Kimsə xəstə olanda təcili yardım bura girə bilmir, nə işıqlanma var, nə asfalt var, heç bir şey yoxdur. Uşaqlar məktəbə gedə bilmirlər. Mənim öz nəvələrim məktəbə gedə bilmirlər. Bərbad haldadır, heç kim küçəyə baxmır.

Yağış yağanda keçmək ümumiyyətlə mümkün olmur. Nəvələrim, qonşu uşaqlar məktəbə gedəndə ayağından başına kimi palçıq olur. Belə küçə olmaz axı.

Yollar pis vəziyyətdədir. Maşın demək olar ki, hər gün sınıq olur, düzəltdirmək bizə əziyyətdir. Məktəb uşaqları bu yoldan keçir, əziyyət çəkirlər.

Qazandığımızı elə maşına xərcləyirik. Bu yolda vaxtı çatdıra bilmirik. Yolu düzəltsələr hər kəs üçün çox yaxşı olar. Gündə 20 dəfə gedib, qayıdıram. Məcburən yavaş sürdüyüm üçün vaxtı da çatdıra bilmirəm.

Girdəni kəndində 6 minə yaxın əhali yaşayır. 300 nəfərin istifadə etdiyi sözügedən yol Vətən müharibəsi şəhidi Kənan Axundzadənin adını daşıyır. O, Füzuli və Xocavənd rayonlarının sərhədində yerləşən strateji əhəmiyyətli Üryandağ yüksəkliyi uğrunda gedən döyüşlərdə şəhidlik zirvəsinə ucalıb. Sakinləri də narahat edən məsələ şəhid adını daşıyan küçənin abadlaşdırılmamasıdır.

APA TV-yə daxil olan şikayətlə bağlı kəndin bələdiyyəsinə müraciət etdik, aldığımız cavab belə oldu: “Həmin yola bələdiyyənin daxili imkanları hesabına müxtəlif vaxtlarda daş, çınqıl tökülmüş və ağır qreder texnikası ilə qrederlənmişdir, amma əsaslı təmiri gələcəkdə bələdiyyənin büdcəsində vəsait yarandığı halda nəzərdə tutulmuşdur. Lakin, buna baxmarayaraq küçə bələdiyyənin nəzarətindədir. Həmin yola ictimai fəhlələr ayrılmışdır və həmişə həmin yol təmizlənir, səliqə-sahman işlərinə baxılır.”

Bələdiyyə sədri onu da bildirdi ki, yaz qabağı həmin küçəyə daxili imkanlar hesabına yenidən daş, çınqıl tökülməsi nəzərdə tutulub.



✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TEKLİFİ ÜÇÜN (Contact) [email protected]