بكرة يا الخرطوم تعودي

بكرة يا الخرطوم تعودي
جنة الدنيا و دلالا
🌺
بكرة شمس الفرحة تشرق
بكرة نرجع لا محالا
🌺
لمة الناس البسيطة
في بيوت مرتاحة بالا
🌺
نحن مشتاقين نشوفك
شان فراقك استحالا
🇸🇩🇸🇩🇸🇩
اصلي ما بنعيك وحاتك
انتي ما شبه المنية
🌺
بكرة يا خرطوم تعودي
شامخة ريانة وعلية
🌺
بكرة تغشاك القماري
تمطر الغيمات ندية
🌺
تفرح ام درمان تغني
تحلى في بحري العشية
🌺
البيوت ترجع تزغرد
والسلام يبداها جية
🌺
بكرة الوحدة تجمع
لا خلاف لا عنصرية
🌺
بكرة في النيلين بترجع
قبلة احلامنا الندية
🇸🇩🇸🇩🇸🇩
بكرة ترجع لينا روحنا
بكرة حتطيب الجروح
🌺
واي هم مُحتل قلوبنا
يختفي ولازم يروح
🌺
ترجع الألفة القديمة
وتشفى روحنا من النزوح
🌺
وردة الحب بي عبيرها
زاكي منها حِن يفوح