Sumqayıt şəhər Ceyranbatan qəsəbə sakinləri kanalizasiya problemindən əziyyət çəkirlər. Buna görə də bir qrup vətəndaş etiraz edib. Onlar bildirirlər ki, kanalzasiya xətlərinin olmamasına görə, onların evləri və yollar çirkab suları altında qalır. Bunun da nəticəsində yollarda hərəkət etmək mümkünsuz hala çevrilir. Hətta qış aylarında əraziyə maşınların hərəkəti belə məhdudlaşır.
Sakinlər deyir ki, mövcud problemlə bağlı aidiyyatı qurumlara müraciət etsələr də, problemin həllinə dair heç bir tədbir görülməyib. "Burada əhalinin yarısı astma xəstəliyinə tutulub. Məktəb başlayanda uşaqlar yolla gedə bilmir. Kanalizasiya daşıb yolu bağlayır" , - sakinlərdən biri söyləyir.
"Çox çətin vəziyyətdə yaşayırıq. Kanalizasiyamız tutulur. Həm o başdan, həm bu başdan. Oradan yol açırıq, gedib qabaqdan qonşular bağlayırlar, ev tikirlər. Satırlar, tikirlər. Kanalizasiyanın qabağı bağlanıb, su getmir. İkincisi də, bizim yol məsələmizdir. Bura bir dənə marşrut gəlmir. 12-15 ildir ki, burada yaşayırıq. Mindən çox ailə var burda. Marşrut gəlmir. Yolları su basıb. Uşaqlar iki dənə, üç dənə ayaqqabı ilə məktəbə gedirlər. Özümüzün şəraitimiz də pisdir. O qədər kommunal ödənişlər edirik, yaşayırıq, ancaq bizə baxan yoxdur", - başqa bir qəsəbə sakini deyir. "Burada dəfələrlə imza toplanıb və bələdiyyə sədri olan Çingiz müəllimə müraciət olunub. Burada elə bir vəziyyətdir ki, gələn-gedən boş-boş baxıb, çıxıb gedir. Harasa müraciət edəndə deyirlər ki, pul ayrılmayıb. Sumqayıt şəhərinin icra başçısına, bələdiyyəsinə qədər müraciət olunub. Keçən dəfə gəldilər, yoxlanış apardılar və dedilər ki, yollar da çəkiləcək, kanalizasiya xətti də. Ondan da bir xəbər çıxmadı. Qabaqdan yenə qış gəlir. Yenə də eyni ab-hava olacaq. Yəni, millət demək olar ki, zibilin içində yaşayır. Müraciət olunsa da, imza toplansa da, baxan olmadı" , qəsəbə sakini bildirib.
“Azərsu” ASC-nin mətbuat xidmətinin rəisi Anar Cəbrayıllı Meydan TV-yə bildirib ki, həmin ərazidə kanalizasiya infrastrukturu mövcud deyil, 2023-cü il ərzində qurulması planlaşdırılmır və Master Plana əsasən gələcəkdə yaradılması nəzərdə tutulur.
Kanala abunə ol - https://goo.gl/TcM9Fm
Bizə maddi dəstək ol https://cutt.ly/destek
WebSite: http://www.meydan.tv
Facebook: http://fb.com/MeydanTelevision
Twitter: / meydantv
Google+ https://plus.google.com/+MeydanTelevi...
İnstagram: / meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277
Информация по комментариям в разработке