Thaththe Obe Ruwa Mawe (තාත්තේ ඔබේ රුව මැවේ) - Karunarathna Divulgane & Chavindi Senanayake

Thaththe Obe Ruwa Mawe
Vocals: Karunarathna Divulgane & Chavindi Senanayake

Melody & Music : Dr. Rohana Weerasingha
Mixed & Mastered : Sandaru Gamage @ Sage Studioz
Lyrics : Dileepa Surige

බිඳෙන රළ පෙළ ඉවුර හඬවා සිල් අරන් වාගෙයි වැවේ
සඳේ සඳ රැස් වැටේ ගොම්මන එළිය තුළ කළුවර මැවේ
දියේ ඔරු කඳ එගොඩ ඇදුනා අමුත්තක් දැනුණා නොවේ
මෙගොඩ එන තුරු බලා උන්නද නුඹේ ඇස් රිදුනද දුවේ

රැය පුරා ඉකිබින්ද අහසේ අඩුවෙලා නෑ කලු වලා
මග බලා මම රැයපුරා නුඹෙ හඬ සොයා සක්මන් කළා
දුවේ සිතුනා සොයා ඇවිදින් යන්න යළි නුඹ ගැන බලා
සුසුම් ගිළිහෙන විටත් දෑසින් නුඹේ රුව සිත්තම් කළා

තුරුහිසෙකි නුඹ මලෙකි මා එහි,උණුහුමට නුඹෙ පෙම් කළේ
හැඩට පිපුණත් නැතිව නුඹ ළඟ පෙති සැලෙයි සුළඟට මලේ
මගේ සපුමල සුවඳ විහිඳයි රුව දිලෙයි නෑඹුල් මලේ
දුරින්හිඳ රැක බලා ගන්නම් පියුම නුඹ මගෙ හදවිලේ

තෙරක් නොපෙනෙන පාළු කතරකි තාත්තේ ඔබේ රුව මැවේ
ඔබේ සෙනෙහස සොයා වැළපෙමි තැවි තැවී සිතුවිලි දැවේ
ගයාපන් දුක් ගීය නුඹගේ ළඟට විත් අන්දර වැවේ
අසා ඉන්නම් හනික ඇවිදින් තාත්තා වැඩි දුර නොවේ...

තාත්තේ ඔබේ රුව මැවේ... තාත්තා වැඩි දුර නොවේ... තාත්තේ ඔබේ රුව මැවේ....