Скачать или смотреть بفضلِ خدا ہاکس سکول سسٹم میلسی کی طالبات کا سالانہ ٹرپ 2025

ہاکس سکول میلسی کی میٹرک کی طالبات کا 33واں اینول ٹرپ

بفضلِ خدا ہاکس سکول سسٹم میلسی اپنے طلباء و طالبات کے لیے صرف تعلیمی مقاصد تک محدود نہیں بلکہ ان کے اذہان و قلوب کو جلا بخشنے کے لیے معلوماتی اور تفریحی مواقع فراہم کرنے میں بھی پیش پیش ہے۔

چند روز قبل، ہاکس سکول سسٹم میلسی نے اپنی میٹرک کی طالبات کے لیے 33واں سالانہ تعلیمی و تفریحی ٹرپ کا اہتمام کیا۔ اس یادگار دورے میں طالبات نے ریاست بہاولپور کے تاریخی نور محل، ایشیا گھی مل اور ایس ایس ورلڈ پارک کا دورہ کیا۔

نور محل کی شاہکار تعمیرات نے تاریخ اور فنونِ لطیفہ میں طالبات کی دلچسپی کو بڑھایا جبکہ ایشیا گھی مل کے دورے نے صنعتی عمل کے بارے میں عملی معلومات فراہم کیں۔ ایس ایس ورلڈ پارک میں تفریحی سرگرمیوں نے طالبات کے چہروں پر خوشیوں کے رنگ بکھیر دیے۔ ان مناظر اور تجربات نے طالبات کے شوق اور جستجو کو نئے معنی دیے، جن کی جھلک ان کی مسکراتی آنکھوں میں صاف تھی۔