Скачать или смотреть LIVE: DISTRIBUTION OF EMERGENCY HOUSING ASSISTANCE PROGRAM | MAYOR ISKO MORENO | AUG. 28, 2025

Umabot sa 1,162 na pamilyang apektado mula sa Districts 1–6 at Baseco ang nakatanggap ng tig-₱10,000 cash assistance bilang bahagi ng Emergency Housing Assistance Program.

Isinagawa ang pamamahagi sa San Andres Sports Complex na dinaluhan nina National Housing Authority General Manager Joeben A. Tai, Asst. General Manager Alvin S. Feliciano, at Engr. Wenson O. Reyes, OIC ng West Sector National Capital Region.

Layunin ng programang ito na magbigay ng agarang tulong at suporta sa mga pamilyang labis na naapektuhan ng mga nagdaang bagyong Crising, Dante, at Emong upang sila’y makabangon at makapagsimulang muli.

"Tayo, ang Maynila, ay naging tulay ng inyong pamahalaang lungsod, humingi tayo ng tulong para sa inyo. Ang tulong na ito ay galing sa national government, masaya na kami, ni Vice Mayor Chi, at ng inyong mga halal na opisyal na nagkaroon kayo ng gobyerno na dinirinig ng national government," ani Mayor Isko.