သြစတြေးလျလွှတ်တော်အမတ်နဲ့ မြန်မာ့အရေးဆွေးနွေးချက် - BBC News မြန်မာ

ဂျနဲ ဆက်ဖင်ဟာ သြစတြေးလျနိုင်ငံရဲ့ ပြည်နယ်နဲ့ ပြည်ထောင်စုအဆင့် လွှတ်တော်တွေမှာ တာဝန်ထမ်းဆောင်နေတဲ့ လွှတ်တော် အမတ်တစ်ဦးဖြစ်သလို လွှတ်တော်ရေးရာ၊ နိုင်ငံရေး၊ ပြည်သူ့မူဝါဒရေးရာပုံဖော်ရေး၊ တရားရေးနဲ့ ပြုပြင်ပြောင်းလဲရေးဆိုင်ရာ အတွေ့အကြုံ ရင့်သန်သူဖြစ်ပါတယ်။

သြစတေးလျလွှတ်တော်မှာဆိုရင်လည်း အနိုင်ရပါတီအမတ်တွေရဲ့ခေါင်းဆောင်၊ လွှတ်တော်နိုင်ငံခြားရေး၊ ကာကွယ်ရေးနဲ့ ကုန်သွယ်ရေးကော်မတီဝင်၊ ကုန်သွယ်ကော်မတီဥက္ကဋ္ဌ၊ လွှတ်တော်ယာယီဒုတိယဥက္ကဋ္ဌ၊ ဝန်ကြီးချုပ် Kevin Rudd ရဲ့ မူဝါဒရေးရာအကြံပေးအဖြစ် ဆောင်ရွက်ဖူးသူလည်းဖြစ်ပါတယ်။

မြန်မာနဲ့ပတ်သက်လို့ လွှတ်တော်ရေးရာကိစ္စရပ်တွေမှာ ထဲထဲဝင်ဝင်ပါဝင်ဆောင်ရွက်ခဲ့သူဖြစ်သလို သြစေတြေးလျဝန်ကြီးချုပ်နဲ့ဝန်ကြီးတွေရဲ့ မြန်မာပြည်ခရီးစဥ်တွေမှာလည်း မြန်မာနိုင်ငံဆိုင်ရာအကြံပေးအဖြစ် လိုက်ပါဆောင်ရွက်ခဲ့ဖူးသူဖြစ်ပါတယ်။

ဒါ့အပြင် မြန်မာနဲ့ပတ်သက်ပြီး မူဝါဒ၊ နိုင်ငံ‌ရေး၊ ဖွံ့ဖြိုးတိုးတက်ရေး၊ ဥပဒေရေးရာနဲ့ ဖွဲ့စည်းပုံဆိုင်ရာကိစ္စရပ်တွေမှာ အတော်လေးကို အတွေ့အကြုံကျယ်ပြန့်သူလည်းဖြစ်ပါတယ်။

ဒေါ်အောင်ဆန်းစုကြည်နဲ့ ခင်မင်ရင်းနှီးသူလည်းဖြစ်တာကြောင့် လက်ရှိမှာ မြန်မာစစ်တပ်က ဒေါ်အောင်ဆန်းစုကြည်အပေါ် ပြုမူဆက်ဆံပုံ၊ လက်ရှိမြန်မာ့အရေးအပေါ် သဘောထား၊ မြန်မာ့အရေး သူ့ကြိုးပမ်းချက် ... စတာတွေ သိရအောင် ဘီဘီစီက တွေ့ဆုံမေးမြန်းထားပါတယ်။ ရုပ်သံမှာ ကြည့်ရှုနိုင်ပါပြီ။

ဘီဘီစီမြန်မာပိုင်း