អតីតសកម្មជនប្រឆាំង ខំស្កាត់ពីអាមេរិកមកខ្មែរ ដើម្បីកោរសក់ខ្លួនឯង ថ្ងៃបើកការដ្ឋានព្រែកជីកហ្វូណន

អតីតសកម្មជនប្រឆាំង លោក ហ៊ុយ សាគាល ខំស្កាត់ពីអាមេរិកមកខ្មែរ ដើម្បីចូលរួម និងកោរសក់ខ្លួនឯង ក្នុងថ្ងៃបើកការដ្ឋានសាងសង់គម្រោងព្រែកជីកហ្វូណនតេជោ

អតីតសកម្មជនបក្សប្រឆាំង លោក ហ៊ុយ សាគាល ដែលមានរហស្សនាមថា "ស្រគាលមិនទាន់ទុំនិយាយការពិត" បានធ្វើដំណើរពីសហរដ្ឋអាមេរិកមកដល់ប្រទេសកម្ពុជា នារាត្រីថ្ងៃទី ៣១ ខែកក្កដា ឆ្នាំ២០២៤។ ក្នុងកិច្ចសម្ភាសផ្ដាច់មុខជាមួយ "កម្ពុជាថ្មី" នៅអាកាសយានដ្ឋានអន្តរជាតិភ្នំពេញ លោកអះអាង ការធ្វើដំណើរមកប្រទេសកម្ពុជាជាថ្មីម្ដងទៀតនេះ ដើម្បីចូលរួមក្នុង និងកោរសក់ខ្លួនឯង ក្នុងថ្ងៃពិធីបើកការដ្ឋានសាងសង់គម្រោងព្រែកជីកហ្វូណនតេជោ។ លោកក៏ធ្វើដំណើរកម្សាន្តទៅកាន់តំបន់ទេសចរណ៍នានា ដើម្បីកម្សាន្ត និងផ្សព្វផ្សាយការពិតទៅកាន់អ្នកនៅក្រៅប្រទេស។

ក្នុងកិច្ចសម្ភាសន៍ជាមួយ"កម្ពុជាថ្មី" លោកក៏បានបកអាក្រាតរាល់សកម្មភាពអាក្រក់ៗ ទង្វើទុច្ចរិត សកម្មភាពប្រមូលលុយក្រោយរូបភាពយកសាសនាធ្វើជាខែលបម្រើសកម្មភាពនយោបាយជ្រុលនិយម ការបំភ្លៃព័ត៌មាន ការលាបពណ៌ផ្ទុយពីការពិតរបស់ក្រុមប្រឆាំងជ្រុលនិយម ក្រោមការដឹកនាំរបស់ជនក្បត់ជាតិបីជំនាន់៕

Follow Kampuchea Thmey TV for more:

Facebook:   / kptdaily  
Telegram: https://t.me/kampucheathmeytv
Tiktok:   / kampuchea_thmey_daily