İRANIN ERMƏNİ SEVGİSİNİN SİRRİ - Düşmənin dostu mənim düşmənimdir

İnstagramda bizi izlə:   / monitor.baku  
Telegram kanalına abunə ol: https://t.me/Monitortvxeber
Facebookda bizi izlə:   / monitor-108773594248965  



İranın Azərbaycana qarşı soyuq münasibətinin kökləri SSRİ dövrünə qədər gedib çıxır. 1980-ci illərin əvvəllərində Azərbaycanda başlanan milliyyətçilik dalğası İranı qorxuya salmışdı. Çünki bu dalğa İranda yaşayan 35 milyondan çox türkün bölünməsinə gətirib çıxara bilərdi. O dövrün ədəbiyyatına, musiqisinə, incəsənətinə nəzər yetirəndə görürük ki, cənub mövzusu xüsusi ilə işlənirdi.
90-cı illərin əvvəllərində Ermənistan-Azərbaycan Dağlıq Qarabağ münaqişəsinin başlanması ilə İran regionda Azərbaycana qarşı istifadə edə biləcəyi yeni müttəfiq tapdı. Həm müharibə dövründə, həm də atəşkəs dövründə İranın Ermənistana dəstəyi təkzib olunmaz faktdır. İranda erməni məktəblərinin olması, geniş ticarət əlaqələrinin varlığı da bu arqumenti dəstəkləyir. Buna nisbətdə İran Azərbaycana hər zaman islam inqilabını ekspansiya etməli olduğu ölkə olaraq baxır. Azərbaycanın daxilində də müxtəlif dini qruplar vasitəsilə təsir gücünü saxlamağa çalışır.
Son dövrlər isə İranın Azərbaycan-Ermənistan münaqişəsində aktiv rol almağa çalışdığını müşahidə edirik. Ermənistana satılan böyük həcmli silahlara, edilən maddi dəstəklə İran Azərbaycana gözdağı verməyə çalışır. Keçən il Ermənistan baş naziri Nikol Paşinyanın Tehrana səfəri zamanı iranlı vəzifəlilər onu böyük sevinclə qarşıladılar, bundan əlavə Ermənistanla İran arasında azad ticarət zonasının yaradılması da müzakirə olundu. Bu isə birbaşa Azərbaycana qarşı ən böyük təxribatlardan biridir. Yaxın günlərdə də işğal olunmuş Dağlıq Qarabağ ərazisində İrandan, Suriyadan və Livandan köçürülmüş erməni ailələri və terrorçu qruplaşmalar yerləşdirilir. Bu qruplaşmaların İran hərbçiləri tərəfindən təlim keçməməsi də istisna olunmur.
Deməli, geniş perspektivdə İran Ermənistan vasitəsilə Azərbaycana böyük təzyiq edir. Bu təzyiq həm iqtisadi, həm siyasi, həm də hərbi yolla həyata keçirilir. İranda yaxınlaşan prezident seçkilərində mühafizəkarların qalib gəlmə ehtimalı isə Azərbaycana qarşı münasibətin daha da radikallaşmasına gətirib çıxara bilər. Bu zaman artıq biz Ermənistanın Azərbaycana qarşı daha da təcavüzkar siyasət yeridəcəyi ehtimalını nəzərə almalıyıq/