Скачать или смотреть 1081 CCC വകുപ്പ് 1 മാമ്മോദീസ എന്ന കൂദാശ- 1228, I229, 1230, 1248

സഭയുടെ ഏഴു കൂദാശകൾ

വകുപ്പ് 1

മാമ്മോദീസ എന്ന കൂദാശ

II - മാമ്മോദീസ രക്ഷാപദ്ധതിയിൽ

മാമ്മോദീസ സഭയിൽ

1228 അതുകൊണ്ട്, ദൈവവചനത്തിന്റെ “അനശ്വരമായ വിത്ത്,” അതിന്റെ ജീവദായകമായ ഫലം ഉത്പാദിപ്പിക്കുന്ന ജലത്താലുള്ളസ്നാനം ആണു മാമ്മോദീസ. വിശുദ്ധ ആഗസ്തീനോസു മാമ്മോദീസയെപ്പറ്റി പറയുന്നു: “വചനം ഭൗമിക ഘടകത്തിലേക്കു പ്രവേശിക്കുന്നു, അത് ഒരു കൂദാശയായിത്തീരുന്നു.

III. മാമ്മോദീസ എന്ന കൂദാശ എങ്ങനെ ആഘോഷിക്കപ്പെടുന്നു?

ക്രൈസ്തവപ്രാരംഭം

1229 ക്രൈസ്തവനായിത്തീരുക എന്നത് അപ്പസ്തോലിക കാലം മുതൽ പല ഘട്ടങ്ങളുള്ള ഒരു യാത്രയിലൂടെയും ആരംഭകർമത്തിലൂടെയും ആയിരുന്നു. ഈ യാത്ര വേഗത്തിലോ സാവധാനത്തിലോ ആകാം. പക്ഷേ, സത്താപരമായ ചില ഘടകങ്ങൾ അതിൽ എപ്പോഴും ഉണ്ടായിരിക്കണം: വചനപ്രഘോഷണം, മാനസാന്തരത്തിലേക്കു നയിക്കുന്ന സുവിശേഷസ്വീകരണം, വിശ്വാസപ്രഖ്യാപനം, മാമ്മോദീസ, പരിശുദ്ധാത്മാവിൻറ വർഷിക്കൽ, ദിവ്യകാരുണ്യസ്വീകരണത്തിനുള്ള സൗകര്യം.

1230 ഈ ആരംഭകർമം, സാഹചര്യങ്ങളനുസരിച്ചു നൂററാണ്ടുകളിലൂടെ വലിയ പരിവർത്തനങ്ങൾക്കു വിധേയമായി. സഭയുടെ ആദിമനൂററാണ്ടുകളിൽ, ക്രൈസ്തവരാംഭത്തിനു നിർണായകമായ വികാസമുണ്ടായി. സ്നാനാർഥിഘട്ടത്തിൻറ സുദീർഘമായ കാലയളവിൽ തയാറെടുപ്പിൻറതായ അനുഷ്ഠാനങ്ങളുടെ ഒരു പരമ്പരയുണ്ടായിരുന്നു. അവ, സ്നാനാർഥികളുടെ ഒരുക്കത്തിന്റെ വഴിയിൽ ആരാധനാപരമായി നിർണായകമായിരുന്നു; ക്രൈസ്തവപ്രാരംഭത്തിൻറ കൂദാശകളുടെ ആഘോഷത്തിലേക്കു നയിക്കുകയും ചെയ്തിരുന്നു.

side para 1248 സ്നാനാർഥിഘട്ടം അഥവാ സ്നാനാർഥികളുടെ പരിശീലനം അവരുടെ മാനസാന്തരത്തെയും വിശ്വാസത്തെയും പക്വതയിലേക്കു കൊണ്ടുവരാൻ ഉദ്ദേശിക്കപ്പെട്ടിട്ടുള്ളതാണ്. ദൈവികമായ മുൻകൈയെടുക്കലിനോടുള്ള പ്രതികരണത്തിലും സഭാ തമകസമൂഹവുമായുളള ഐക്യത്തിലുമാണ്. ഇതു സംഭവിക്കുന്നത്. സ്നാനാർഥിഘട്ടം “മുഴുവൻ ക്രൈസ്തവജീവിതത്തിലൂടെയുമുള്ള ഒരു പരിശീലനമായി ഗണിക്കപ്പെടണം. ആ ഘട്ടത്തിൽ ശിഷ്യൻമാർ തങ്ങളുടെ ഗുരുവായ ക്രിസ്തുവിനോട് ഐക്യപ്പെടണം. രക്ഷയുടെ രഹസ്യത്തിലേക്കും, സുവിശേഷ സുകൃതങ്ങളിലേക്കും ജ്ഞാനസ്നാ നാർഥികൾ വേണ്ടവിധത്തിൽ പ്രവേശിപ്പിക്കപ്പെടണം. ആവർത്തിച്ചുള്ള തിരുക്കർമാനുഷ്ഠാനങ്ങൾവഴി ദൈവജനത്തിന്റെ വിശ്വാസത്തിന്റെയും ആരാധനയുടെയും ഉപവി യുടെയും ജീവിതത്തിലേക്ക് അവരെ നയിക്കണം.”47