Скачать или смотреть ថ្នាក់ដឹកនាំមន្ទីរព័ត៌មានខេត្តសៀមរាប ចូលរួមកាន់បិណ្ឌវេនទី៦ នៅវត្តចំនួន២ ក្នុងស្រុកស្រីស្នំ

ថ្នាក់ដឹកនាំមន្ទីរព័ត៌មានខេត្តសៀមរាប ចូលរួមកាន់បិណ្ឌវេនទី៦ នៅវត្តសុវណ្ណគិរីកេសរត្រោះ និងវត្តសុវណ្ណគិរីកេសរធ្លក ក្នុងស្រុកស្រីស្នំ

នៅព្រឹកថ្ងៃទី១៣ ខែកញ្ញា ឆ្នាំ២០២៥ លោក យឿន ចាន់ អនុប្រធានទទួលបន្ទុករួម មន្ទីរព័ត៌មានខេត្តសៀមរាប រួមនឹងមន្ត្រីរាជការក្រោមឱវាទ ដោយមានការចូលរួមពីអាជ្ញាធរមូលដ្ឋាន និងប្រជាពលរដ្ឋ បានចូលរួមកាន់បិណ្ឌវេនទី៦ នៅវត្តសុវណ្ណគិរីកេសរត្រោះ និង វត្តសុវណ្ណគិរីកេសរធ្លក ស្ថិតក្នុងស្រុកស្រីស្នំ ខេត្តសៀមរាប។

លោក យឿន ចាន់ មានប្រសាសន៍ថា ចំពោះការចូលរួមកាន់បិណ្ឌជាមួយប្រជាពលរដ្ឋនាពេលនេះ ក្រៅពីដើម្បីឧទ្ទិសមគ្គផលជូនជីដូនជីតាហើយនោះ ក៏ដើម្បីឧទ្ទិសកុសលជូនចំពោះវិញ្ញាណក្ខន្ធវីរកងទ័ពយើងទាំងអស់ ដែលបានពលីជីវិតក្នុងបុព្វហេតុការពារបូរណភាពទឹកដី ហើយការលះបង់ដ៏ថ្លៃថ្លានេះមិនអាចកាត់ថ្លៃបានឡើយ វាបានក្លាយជាគំរូវីរភាពដ៏អមតៈសម្រាប់ប្រវត្តិសាស្រ្តកម្ពុជា។

លោកបន្តថា បុណ្យភ្ជុំបិណ្ឌជាបុណ្យមួយដ៏ធំនៃប្រពៃណីទំនៀមទម្លាប់ជាតិខ្មែរ ដែលប្រជាពលរដ្ឋខ្មែរតែគោរពប្រតិបត្តិតាំងពីដូនតារៀងមក។ ក្នុងនោះ ក៏ជាឱកាសសម្រាប់ប្រជាពុទ្ធបរិស័ទ នាំយកនូវទ័យទាន ជាគ្រឿងឧបភោគបរិភោគ វេរប្រគេនដល់ព្រះសង្ឃ ដែលគង់ចាំព្រះវស្សាអស់កាលត្រីមាស៕

អត្ថបទ និងរូបភាព៖ មន្ត្រីមន្ទីរ