DD News Mizoram - Chanchinthar | 28 October 2024 | 6:30 PM

HEADLINES:

1. Chief Minister Pu Lalduhoma'n hmasawnna tura ruahmanna, Project daihrei siam a pawimawh tih sawiin, ramin hma a sawn theih nan a hun taka project zawh theih a pawimawh a ti bawk.

2. Health & Family Welfare Minister Pi Lalrinpuii hovin Food Safety lam hotuten mipui in eitur thianghlim leh hrisel an neih theih nana hmalak dan tur vawiin khan an sawiho.

3. Hlemhletna dona hapta, Vigilance Week chu vawiin khan Sorkar pisa hrang hrangah hawn a ni a, thawktuten hlemhletna leh eirukna laka fihlim turin thu an tiam.

4. MNF Senior Vice President, Dr. R. Lalthangliana'n tuialhthei chhiah tihsan chu mirethei zawkte rawkna leh party mi leh sate inhaivurna niin a sawi.

5. Home Minister, Pu K. Sapdanga'n loh theih lova state sorkarin sum a pukte chu an rulh lehnghal zel laiin, eptu lam party ten an rulh lam aiin an puk ringawt an tlangaupui nasa zawk niin a sawi.

6. Lunglei South Bialtu MLA Pu Lalramliana Papuia chuan Mizorama Corporation te chu ramin a hlawkpui em tih chu sawi loh chawi belhin a kal mek a, hei hi her danglam ngai a ni a ti.

7. Lawngtlai District MJA hruaitute chuan vawiin khan District Transport Officer hmuin, a hrana Lawngtlai ah MVI dah theih a nih hmaa, mipui harsatna chhawk zangkhai a nih theih dan tur an sawipui.

8. Kolasib-ah Mizoram sorkar flagship programme 'handholding' chungchang inhrilhhriatna hun hman a ni.

9. Prime Minister Narendra Modi leh Spain Prime Minister Pedro Sanchez ten a rualin Vadodara, Gujarat-ah TATA Aircraft Complex an hawng.

10. Delhi khawpui chu boruak bawlhhlawh tehna Air Quality Index-ah very poor category-ah a awm mek.

11. Prime Minister Narendra Modi chuan naktuk khian biak hmuh theihna kaltlangin sorkarpui hnuaia hnathawk tura kohna lehkha, appointment letter sing 5 chuang a semchhuak dawn.

12. Prime Minister Narendra Modi an Dhanvantari Jayanti lawmna leh Ayurveda Day pualin hriselna lama hmalakna cheng vbc 13,000 hu a hawng dawn.

13. Dyslexia natna chungchang inhrilhriatna atan Sorkarlaipui hmun pawimawh chhit en a ni.

Khawchin:
Minimum : 20.0 °C
Maximum : 27.0 °C
Thawhlehni khian Mamit, Kolasib, Aizawl, Champhai, Serchhip, Lunglei, Lawngtlai, Siaha, Saitual, Khawzawl leh Hnahthial District-ah khua ṭha tura rin a ni.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram