ប៉ាឡេស្ទីន៖កងទ័ពអ៊ីស្រាអែលបើកការវាយប្រហារទ្រង់ទ្រាយធំមិនធ្លាប់មានលើក្រុងហ្សេនីនក្នុងតំបន់ស៊ីហ្សកដានី

នៅក្នុងដែនដីប៉ាឡេស្ទីន កងទ័ពអ៊ីស្រាអែលបានបើកការវាយប្រហារតាំងពីជាង ២៤ម៉ោងលើទីក្រុងហ្សេនីនស្ថិតប៉ែកខាងជើងតំបន់ស៊ីហ្សកដានី។ ប្រតិបត្តិការយោធានេះជាប្រតិបត្តិការទ្រង់ទ្រាយធំមួយដែលកងទ័ពអ៊ីស្រាអែលបានធ្វើលើទឹកដីប៉ាឡេស្ទីននារយៈពេលប៉ុន្មានឆ្នាំកន្លងទៅ។ ជាផ្លូវការ រដ្ឋាភិបាលអ៊ីស្រាអែលបានលើកឡើងពីប្រតិបត្តិការប្រឆាំងនឹងភេរវនិយមដែលជាភាសាចង់សំដៅលើក្រុមប្រដាប់អាវុធប៉ាឡេស្ទីន។ ខណៈនេះ មានស្លាប់ប៉ាឡេស្ទីនចំនួន ១០នាក់ និងរបួសប្រមាណជា ១០០នាក់នៅក្នុងការវាយប្រហាររបស់កងទ័ពអ៊ីស្រាអែល។ គួរបញ្ជាក់ថា នៅក្រុងហ្សេនីនក៏មានជំរំដែលមានរស់នៅដោយប្រជាជនប៉ាឡេស្ទីនដែលបានរងការបណ្តេញពីដែនដីរបស់ខ្លួនក្នុងឆ្នាំ ១៩៤៨ដែលជាឆ្នាំនៃការបង្កើតរដ្ឋអ៊ីស្រាអែល។ លោកតូម៉ា វេស្កូវី អ្នកស្រាវជ្រាវឯករាជ្យបានយល់ឃើញថា ក្រុមយុវជនប៉ាឡេស្ទីននៅក្នុងតំបន់ស៊ីហ្សកដានីដែលកាន់កាប់ដោយអ៊ីស្រាអែលកំពុងប្រឈមនឹងភាពអយុត្តិធម៌ និងគ្មានជម្រើសអ្វីក្រៅពីការបន្តការតស៊ូទេ។


🔔 Please subscribe: https://rfi.my/YTkm

🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/

ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm
ទទួលព័ត៌មានពី​យើង​តាម​​ធ្វីតធ័រ https://rfi.my/TWkm
ទទួលព័ត៌មាន​តាម​តេឡេក្រាម https://rfi.my/TGkm