NATAAN GUNUNG KACAPI SULING

"Nataan Gunung"

Raden...
Gunung Tanpa Tutugan (gening)

Gunung galunggung kapungkur
Gunung Sumedang katunjang
Lain Sumedang di wetan
Baheula Sumedang Larang (gening)

Sumedang Sasaka Domas
Lain gunung tanpa omas
Itu gunung naon... raden?

Nu ngayapak tebeh wetan
Ari Gunung ciremai teh
Tetengger nagara mana...

Lain Cirebon di wetan
Cirebon baheula larang
Cirebon sasaka domas
Itu gunung naon.. raden?

Gunung Cupu Mandalahayu
Hayu soteh hayu mulang
Mulang ti pangumbaraan... juragan

Ari Gunung Tangkuban Parahu teh, Raden
Tetengger nagara mana
Itu gunung naon... raden?

Lain Bandung Cikapundung
Lain Sumedang di wetan
Talaga Sakawayana Rangkecik
di tengah leuweung.. juragan

ulah pundung ku disungkun
Ulah sungkan ku diteang
narima raga wayahna
ngancik di nagara deugeun

Gunung pangrango ngajogo
Ngadagoan kuring mulang
Mulang ti pangumbaraan... juragan

Ari gunung pangrango teh.. raden
tetengger nagara mana?
itu gunung naon... raden?

Gunung Gede ngajengjehe
Jiga-jiga anu nande
Nandean ka badan kuring
mulang ti pangumbaraan (gening)

Ari Gunung gede teh Raden
Tetengger nagara mana
Itu gunung naon... Raden

Kuring kirim Gunung Bubut
Dipasieup dipasagikeun
Turiang urang balangkeun... Raden

Kuring kirim nu puguh
pasini urang jadikeun
duriat urang kambangkeun

Gunung Kendeng nunjang ngidul
Paratna ka Papandayan
Putri nu ngabengreng koneng
Megatan jalan ka Jampang... Raden