Скачать или смотреть લોકડાઉનને સફળ બનાવવાનો એક નાનકડો પ્રયાસ | વડદલા પ્રાથમિક શાળા | તા.જિ. વડોદરા | તુષાર સોની

નમસ્તે મિત્રો,
આ પત્ર સાથે ધોરણ 3 થી 8ના વિદ્યાર્થીઓ માટે મટીરીયલ (સાહિત્ય) આપવામાં આવે છે.જે આપના દ્વારા crc કો, આચાર્ય અને શિક્ષક મિત્રોને સોસીયલ મીડિયાના માધ્યમથી મોકલી મહત્તમ વાલીઓ સુધી પહોંચાડવા પ્રયત્ન કરીએ.વાલીઓ સાથે ફોન સંપર્કમાં રહી વિદ્યાર્થીઓ આ સાહિત્યનો ઉપયોગ કરે તેની કાળજી પણ લઈએ...

અત્યારે કોરોનાથી સાવચેતીના ભાગરૂપે શાળાઓ બંધ છે. જે હવે નવાસત્રમાં ખુલશે આટલી લાંબી રજાઓમાં બાળકો મહાવરાના અભાવે શીખેલું ભૂલી ન જાય એ માટે વાલીશ્રીઓએ શિક્ષકની ભૂમિકા ભજવવાની છે.આ માટે કેટલીક વાતો પર ધ્યાન આપવા વિનંતિ.

1. ટી.વી ચેનલ પર વિવિધ શૈક્ષણિક પાઠનું પ્રસારણ આવે છે.એ જોવા કહેવું. તથા ન્યૂઝ ખાસ જોવા.

2. શાળામાંથી ભાષાદીપ બુક , એકમ કસોટી નોટબુક અને સ્વાધ્યાય પોથી આપી છે. તેનો અભ્યાસ અને લેખન રોજ કરાવવું.

3. પાઠ્યપુસ્તકો અને શાળા પુસ્તકાલય માંથી વિવિધ પુસ્તકો બાળકોને આપેલા છે..રોજ ઓછામાં ઓછા પાંચ પાનાં વંચાવો.

4. રોજે રોજ ગુજરાતી ભાષાનો પાંચ સાત લીટી વાળો એક ફકરો સારા અક્ષરે લખવો અને વંચાવો. ધોરણ 1/2 ના બાળકોને શબ્દો અને વાક્યો લખવા વાંચવા આપવા જેથી અક્ષર સુધારણા અને શુદ્ધ વાંચન, મુખવાચન ઝડપ કૌશલ્ય વિકસે.

5. ગણિતમાં રોજ નવો ઘડિયો તૈયાર કરવા આપવો.

6. સરવાળા, બાદબાકી, ગુણાકાર ભાગાકારના દાખલાનો મહાવરો રોજ કરાવવો.

7.અંગ્રેજીમાં રોજ પાંચ સ્પેલિંગ લખવા અને તૈયાર કરવા આપવા.

8.ઈંગ્લીશ ટીચર સંદર્ભ પુસ્તકના ક્રમવાર પાઠનો અભ્યાસ કરીને સ્પેલિંગ, ક્રિયાપદ, કાળ, વાક્યો, વ્યાકરણ અને નિબંધ તૈયાર કરવા.

9.પોતાના ઘર, પરિવાર, પશુ ,પક્ષી,વૃક્ષો વગેરે આસપાસના પર્યાવરણ, ઘટના બનાવ વગેરે માંથી વિષય પસંદ કરી તેના વિશે પાંચ સાત લીટી બોલવા કહેવું તથા મૌલિક લેખન કરાવવું.

10. મનગમતા ચિત્ર ડિઝાઇન દોરવા અને રંગ પુરવા

11. સંગીતની નોટમાં નવા ગીત ભજન ગરબા માંડવડીના ગીતો, લગ્નગીતો, લોકગીતો લખાવવા અને ગવડાવવા, સંગીતના કોઈ સાધન ઉપલબ્ધ હોય તો તે વગાડતાં શીખવવું.

13.છાપાંના સમાચાર કે પૂર્તિઓ, જુના પુસ્તકોનું કટીંગ કરીને પ્રોજેકટ આલ્બમ બનાવવો. જેમકે કોરોના, વિવિધ ઘટનાઓ,બનાવો, ઉનાળામાં પ્રકૃતિ, ધર્મ, ચિત્રવાર્તા, જાણવા જેવું,સામાન્યજ્ઞાન, સુવિચાર વગેરે .

આ બધી પ્રવૃત્તિઓથી બાળક અભ્યાસ સાથે જોડાયેલ રહે એ જ અપેક્ષા છે..આપના બાળકની કેળવણી માટે આપનો થોડો સમય કાઢવા આપને વિનંતી છે.

આપના ફળિયામાં દરેક પરિવાર વોટ્સએપથી શાળા સાથે જોડાયેલ ન હોય અને દરેક વાલી શિક્ષિત ન હોય એવું ન પણ બને તો આપ આ બાબતો વાલીઓને સમજાવજો. બાળકોને માર્ગદર્શન આપજો.

શાળા ભલે બંધ છે પણ અભ્યાસ બાબતે કોઈપણ મૂંઝવણ હોય કે માર્ગદર્શનની જરૂર હોય તમામ શિક્ષકોની સેવા ઉપલબ્ધ છે.

આ ગ્રુપમાં જોડાવા શાળા પરિવાર અભિવાદન કરે છે..આપ સૌ વિદિત છો કે કોરોના વાયરસની વૈશ્વિક મહામારીના કઠિન કાળમાં આપણે પસાર થઇ રહ્યા છે..ત્યારે આપણે સૌ એક ઉત્તમ નાગરિક તરીકે સરકાર દ્વારા દર્શાવેલ એડવાઇઝરીનું સંપુર્ણ પાલન કરીએ..અને આપણી આસપાસના લોકો પાસે કરાવીએ..આ એક દેશ સેવા જ છે..આ લોકડાઉન સમયમાં બાળકો માટે પણ શિક્ષણ વિભાગ..સરકાર...ચિંતિત છે..બાળકો નું શિક્ષણ ના બગડે તે માટે ડિસ્ટન્સ એજ્યુ.ની સુવિધા ઉભી કરેલ છે..તેનો લાભ આપ પોતાના બાળકોને ટીવી..અથવા મોબાઇલ દ્વારા અપાવી શકો છો.

સાથે એક સજાગ વાલી તરીકે આપ મોનિટરીગ રાખી ઘરે બાળક એકાદ બે કલાક ફરજિયાત શિક્ષણ મેળવે એ સુનિશ્ચિત કરવાનું છે..વિવિધ સારી પ્રવુતિ બાળક કરે એ જોવાનું છે..

જ્યારે સરકાર નો શિક્ષણવિભાગ બાળકના શિક્ષણની ચિંતા કરતો હોય..તેના એક ભાગ રૂપે અઠવાડિક ધોરણ પ્રમાણે સાહિત્ય..મેંટેરિયલ્સ આપશે ..જે આપ આપના બાળક પાસે કરવાનું રહેશે..દર અઠવાડિયે આ પ્રમાણે એસાઈમેન્ટ આપવામાં આવશે જે તે જ અઠવાડિયામાં બાળકે પૂર્ણ કરવાનું રહેશે. અને આ બાબત નું આપ સૌ એ કાળજી લેવાની છે..

આપ સૌ જ્યારે આ ગ્રુપ માં જોડાયા છો ત્યારે આપણે સૌ સાથે મળીને આ સમયમાં તથા આવનાર સમયમાં આપણું બાળક શિક્ષણથી વંચિત ના રહે તે માટે સહિયારા પ્રયાસ કરીશું..આ ગ્રુપ બાળક ના અભ્યાસ માટે બનાવેલ હોય ..તેમાં જોડાયેલ તમામ વાલી, બાળકો, શિક્ષકો.. માત્ર બાળક ના અભ્યાસ સંબંધિત મેરીયલ્સ.. ચર્ચા કરીશું...પુનઃ આપ સૌનું સ્વાગત છે..જે બાળક અથવા વાલી આ ગૃપ માં જોડાયેલ નથી ..તેમને આપ સૌ join કરશો.. શાળાપરિવાર પણ આપણા બાળક માટે ચિંતિત હોય..તેમાં સહકાર આપશો...

આગામી સમયમાં ડિસ્ટન્સ લર્નિંગ કલાસનું આયોજન કરેલું છે તેમાં પણ આપ સૌના સાથ અને સહકારની ખાસ જરૂર છે...તેમાં આપના બાળકને અવશ્ય જોડશો...

કોરોના મહામારી માં આપ ઘરે રહો..સુરક્ષિત રહો...આપનો પરિવાર સુરક્ષિત રહે..એ જ શુભેચ્છા સહ...

લિ. આપણું ગામ...આપણી શાળા...આપણું ગૌરવ.
વડદલા પ્રાથમિક શાળા
તુષાર સોની