نشيد السباع || كلمات الشاعر حنش المالكي رحمه الله || اداء

جديد 👏👏👏👏👏 2019

عمل تراثي

نشيد السباع

كلمات الشاعر الكبير | حنش بن عايض العاصمي العمري المالكي رحمه الله

اداء | #عبدالمجيد الدهيسي


تهيض خاطري عند الغروب = وفي قلبي كما نار الشبوب
بغيت امشي وضيعت الدروب= وقمت ارمي بها فى كل جالي
-------------------------------------------------------------------------------------------------------
وانا قدام للطرقه بصير = واحير كني اعمى واستدير
كما اللي طايحاً فى قعر بير = بعد شلوه فى رمث الحبالي
--------------------------------------------------------------------------------------------------------
ولي (ف) الدرب ليه واعتكار = وانا عارف مخاريج الديار
ولكن الدروب اقفت قفار= وعودت الزم الدرب الموالي
--------------------------------------------------------------------------------------------------------
عسانا نسلم الدرب التعيب= يكون ان الفرج منا قريب
ونجم اسهيل ماودي يغيب= ويبدي لي كما مبدا الهلالي
------------------------------------------------------------------------------------------------------
طوال الليل طرفي ماينوم= ادرجها فرنحياً وروم
وقل يالله عسي حظي يقوم= يبين مكسبي من راس مالي
--------------------------------------------------------------------------------------------------------
وصليت العشا بعد الهجود = وانا ساهر وخلق الله رقود
وكثرت الحسايف والوجود= وانا في ليلةً غدرا لحالي
--------------------------------------------------------------------------------------------------------
عشر ساعات ماذقت المنام = وحالي باح من فوق العظام
سواة الذئب فى داج الظلام= ليا منه عوى فى فج خالي
-------------------------------------------------------------------------------------------------------
وطال الليل وانا فى عذاب = وشابت لحيتي وانا شباب
من اهوال النموره والذياب = تجيني من يمين ومن شمالي
--------------------------------------------------------------------------------------------------------
سباع الليل ذربات الكفوف= مخاليباً تهاوى ما تصوف
تحد انيابها حد السيوف= لابو طالب علي يوم القتالي
--------------------------------------------------------------------------------------------------------
احس انيابها تصرف صريف= وفيها اللي قوي واللي ضعيف
وانا قدامها ساقي خفيف= تربى في شماريخ الجبالي
-------------------------------------------------------------------------------------------------------
تقاربني وانا عنها بعيد = وقلبي رايح اقسى ( م) الحديد
ولكن يفعل الله مايريد =عظيم الشان مرتفع الجلالي
--------------------------------------------------------------------------------------------------------
وفيها اللي عن الهقواه يزيد = وفيها اللي يصيح ولا يصيد
وفيها اللي كما بس العصيد = ويومي للسباع اللي شوالي
--------------------------------------------------------------------------------------------------------
وذاك اللي بدالي مايهوش= ولاهو من صماريخ الوحوش
يبي سوره من اطراف الكروش = وانا خايف من اللي مابدالي
--------------------------------------------------------------------------------------------------------
بدى قيسي كما زوله وغاب = وانا اعرف جرته وسط الجناب
بغاني له عشا بين الهضاب = وانا شابر يكون انه عشا لي
--------------------------------------------------------------------------------------------------------
والا ياسبع ياللي مابديت = تراني محتزي لك مادريت
ولا تحسبك من شري نجيت = ضواك الحال مافيها مهالي
--------------------------------------------------------------------------------------------------------
ولو كانت مخاليبك طوال = وتحداني على جرف الهيال
بعد عندي بصيره واحتيال= وبامر الله عليك الحظ عالي
-------------------------------------------------------------------------------------------------------
ولا يعجبك ليلك ياسباع = تحوفيني طوي مدري شباع
تريني مثل حيداً مايزاع= من انسام الصبا والا العوالي
--------------------------------------------------------------------------------------------------------
ضريتي بالفرايس كل عام =ولاتعرف حلال ولا حرام
وانا صابر على طول الدوام = على طوال الدوام ادرى خيالي
--------------------------------------------------------------------------------------------------------
وانا لوكنت فالحزم البراح =لاحوشك لين اضويك المراح
وازيد اسقيك ( م) السم الذحاح = ولاخرج من قلوبك مامضى لي
--------------------------------------------------------------------------------------------------------
مضى لي من مخاليبك جروح = ومن يمهل بدينه مايروح
وانا مدري متي سهمي يلوح = وهذا الليل ساعاته طوالي
--------------------------------------------------------------------------------------------------------
بغيت ابدي وشوفك راس ريع = وشب النار واحتاشك جميع
ونندر ( ف) المكان اللي وسيع = وفى ساعه طريحك مايشالي
--------------------------------------------------------------------------------------------------------
-----------------------------
ولكن اعجبك حيداً عسير = عسير ولامعي فيه المسير
والا ياجابر العظم الكسير = دعيتك يالذي تدري بحالي
--------------------------------------------------------------------------------------------------------
تراني مامعي غيرك عوين = وتهديني على دنيا ودين
وبا صبر يامعين الصابرين = فى الدنيا على مراً وحالي
------------------------------------------------------------------------
وذا جا البعث واليوم الطويل = يصف الحب والكايل يكيل
ويرمي بالمعاقب والقصيل = ولا يوزن خفاف الا ثقالي