Скачать или смотреть Pem Kawak Liyu Nuba - පෙම් කවක් ලියූ නුඹ | Karunarathna Divulgane | Cover By Isuru Madushan

#Pem_Kawak_Liyu_Nuba #Isuru_Madushan #Cover
Pem Kawak Liyu Nuba- පෙම් කවක් ලියූ නුඹ
---------------------------------------------------------------------------------------------------------
Original Artist - Karunarathna Divulgane
Music - Nandasena Katuwawala
Lyrics - Suramya Mapitiya
---------------------------------------------------------------------------------------------------------
Cover By Isuru Madushan
Mixing & Mastering - Sanjula Kushan | Miracle Night Music Studio
Reviewing The Song - Dhammika Bandara
Video & Editing - Tharindu Hennayake
---------------------------------------------------------------------------------------------------------
Join Us :-
Facebook -   / isurumusic96  
Instagram -   / lsurumadushan  
Spotify - https://open.spotify.com/artist/0phFP...
Apple Music -   / isuru-madushan  
TikTok -   / isurumusic96  
YouTube -    / @isurumadushan2863  
---------------------------------------------------------------------------------------------------------
All Credits Goes To Original Artists.
ගීතයේ සියළුම ගෞරවය එහි මුල් අයිතිකරුවන්ට හිමි වේ.
---------------------------------------------------------------------------------------------------------
ප්‍රේමයෙන් ආතුර වූ සිතකට සහනය ද, විපතද ගෙන එන්නේ ප්‍රේමයයි. ලෝකයේ සෑම දෙනාම විවිධ කාලවල විවිධ ආකාරයේ ප්‍රේමයක් කවදාහෝ අත්විඳ ඇත. ප්‍රේමයක් නොලැබි නැතිනම්, ඒකපාර්ශවිකව හෝ ප්‍රේමය අත් විඳින්නට ඇත. ප්‍රේමය හැමදෙනාටම හමුවූ නමුත් එය මේයැයි වටහාගත් කෙනෙක්ද ලෝකයේ සෙවිය නොහැකිය. එහෙව් ප්‍රේමයක් ප්‍රේම මාවතේ ඉදිරියට නොයා, ගමන අතරමඟ අවසන් වන්නේ නම්, ප්‍රේමය පැවැති තැන හිඩසක් ඉතිරි වන්නේ නම්, එවැනි හිතකට තවත් නැවුම් ප්‍රේමයක් කෙසේ දැනෙනු ඇති ද...

කවිකම් ද කවි ද මනරම්ය. වඩාත් සුන්දර අසම්පූර්ණ කවිය. මන්ද කවියක් සම්පූර්ණ වූ විට එහි කුතුහලයක් නැත. අවසානය තහවුරු වී අවසානය. නමුත් අසම්පූර්ණ කවියක අවසානය දන්නේ කවිය ඉපැදුණු හදවත පමණි. එවන් කවි හිතක, ඉහළම තැනක ලියවෙන ප්‍රේමයේ කවියක් කෙතරම් සොඳුරු ලෙස දැනෙනු ඇති ද.

ඇය විසින් ඔහුගේ හදවතේ පෙම් කවියක් ලීවාය. ඒ කවිය ඔහුට දැනුනේම රාධා ක්‍රිෂ්ණා, රාමා සීතා වැනි ප්‍රේම වෘත්තාන්තයක් ලෙසිනි. ඔහුට ද ඇයට ද අයිති ප්‍රේම වෘත්තාන්තයේ, පෙම් කවිය හදවතේ ලියන ලද, ඇය ම විසින් ඒ කවිය මකා දමා කිසිවක් නොසිදුණු ලෙස නොදැනුනු ලෙස ඉවත යන්නේ නම් හදවතට දැනුන හැඟීම් ඒ රිදුම කෙතරම්දැයි පහදාදිය නොහැකිය.

සැම විටම වියෝගයේ දුක දැනෙන්නේ නික්ම යන්නාට නොව නතර වන්නාට ය. අතු අගකින් මලක් වැටෙනා විට හඬන්නේ ගසය, හිස් අහසින් තරුවක් කඩා වැටෙන විට හඬන්නේ අහසය. ප්‍රේමය ජීවිතයට රැගෙන පැමිණි ඇය නික්මුණු කළ පෑරෙන්නේ ඔහුගේ හිතය. ලොවට රහසින් හඬන්නේ ඒ පිරිමි හිතය. පෙරදිග පිරිමි හිතක් සහ අපරදිග පිරිමි හිතක් අතර වෙනසක් ඇත. දැනෙන හැඟීම එක ම වුව එය දරා ගන්නේ සහ පිට කරන්නේ දෙයාකාරයකටය. සංස්කෘතික ලෝකයේ වැට මායිම්වලට සීමා වූ පෙරදිග පිරිමියකුගේ හිතට, වියෝගයේ දුකට පවා හඬන්නට තහනම් වේ. මන්ද පිරිමින් යකඩින් තැනූ හදවත් ඇත්තන් යයි පෙරදිග සංස්කෘතිය හඬගා කියන බැවිනි. හඬන්ට වත් තහනම් පිරිමි හිතක ඇතිකරන ප්‍රේමයේ වියෝගය ඒ පිරිමි හිත මොහොතින් මොහොත පුළුස්සන්නේය, පාරවන්නේය.

තුවාලයේ රිදුම දන්නේ තුවාලය තියෙන එකාය. ඇය සිත අම්බලමක් සේ සිතා, ඇය ම පැමිණ ඇය ම නික්ම ගොස් අවසන්ය. නමුත් ඇයට ඔහුගේ හිත අම්බලමක් වනවිට ඇයට හිතෙන දිනෙක නික්මුණා මෙන්ම හිතෙන දිනෙක නැවත පැමිණිය හැකිය. ලෝකයේ යම් සෝචනීය සිදුවීමකින් ඛේදවාචකයක් ඇතිවිය හැකිය. නමුත් සියල්ලම දැනුවත්ව ඒ සෝචනීය සිදුවීම නැවත නැවත සිදුවන්නේ නම් ඛේදවාචකය අවසන් වන්නේ විගඩමකිනි. ඇය හදවතට පැමිණි ලෙසම නැවත නික්මුණාය. ඔහුගේ හදවතේ ඛේදවාචකය ඇතිවූයේ එ් නිසාවෙනි. නමුත් නික්මුණු ඇයම නැවත පැමිණ, නැවත නික්මගියහොත් ප්‍රේමය විගඩමක් වෙනවා නොඅනුමානය. ඔහු විසින් ඇයට නැවත හදවතට පැමිණීම තහනම් කිරීම ඒ නිසාවෙන් පුදුමයක් නොවන්නේය. කෙතරම් ආදරය කළත් ආදරේ රන් කරඬුවෙන් හදවත පසාරු කර ගත නොහැකිය .යථාර්ථය නම් එයමය.

ප්‍රේමයට ලොබ බැඳීමද යථාර්ථයයි. ප්‍රේමයේ සොඳුරු ඉසව් කරා ගොසින් සැනසෙන්නට හදවත සැමවිටම කල් යල් බලමින් සිටින කාලයක, ප්‍රේමය එක්වරම අතුරුදහන් වන්නේ නම් ප්‍රේමයේ සොඳුරු බව මෙතකැයි කියා එහි දොරටු වසන්නේනම්, ප්‍රේමය දැනුන හිත, ප්‍රේමයේ සීමාව, සොඳුරු බව මෙතෙක් දැයි ප්‍රශ්නකාරී ව විමසනු ඇත.

සඳේ සහ පොළොවේ සම්බන්ධය ද එවන් මග වැරදුණු සිතකට ප්‍රශ්නකාරී වනු නොඅනුමානය. සඳේ එළිය ලැබෙන්නේ පොළොවට ය. පොළොව සඳට ඈත බව සැබෑය. එහෙත් පොළවට සඳඑළිය එපා කියන්නට නොහැකි වන අතරම, සඳට උවමනා වුවද පොළොවට ඒ එළිය නොදී සිටිය නොහැකිය. ප්‍රේමයේ සඳ එළිය ඇය විසින් ඔහුගේ ධරණි තලය නැමති හදවතට ලබාදී නික්ම ගොසින්ය. සඳ දුරස් උවද පොළවට සඳඑළිය හොඳහැටි මතකය. මන්ද සඳඑළියේ අගය දන්නේ අමාවක ඝනකලුවරට තනිවූ පොළව නිසාවෙනි, සඳවතිය නික්මගිය පසු අමාවක අහසේ තනිවූ පොළව නැවත අයදින්නේ සඳවතියගේ නැවත පැමිණීමයි. සඳවතියට ඒ හැගීම නොතේරෙන්නේ ඇයට අඳුර ගැන වැටහීමක් නැති නිසාවෙනි. නමුත් දිනක සූර්ය කිරණ පොළව විසින් සඳවතියට නොදී තබාගතහොත් සඳවතිය අඳුරට හැරී පොළවේ අගය එදාට ඇයට දැනෙනු ඇත. එවිට හොදටෝම ප්‍රමාදවී ඇය එනවිට පොළව සදඑළියට තහනමක් දමා හිතහදාගනු ඇත. පොළව සියල්ල හැමදා දරාගත්තද, ආඩම්බරකාර සඳවතියන්ද දිනෙක පාඩම් ඉගෙනගන්නවා සත්තය.

Dhammika Bandara -
------------------------------------------------------------------------------------------------
03 -- 2020 / 07 / 24