余慕蓮病情穩定重遊電視城 中氣足幽默現身見老友

余慕蓮病情穩定重遊電視城 中氣足幽默現身見老友

前年因為肺部纖維化一度留院多時嘅余慕蓮，身體情況近來轉趨穩定，多年來無私捐獻大量儲蓄到內地興建學校嘅佢，雖然近年減少幕前演出，不過呢日喺早年因為時裝展結緣嘅鄧達智陪同下重遊電視城，魚毛姐依然非常興奮。

呢日行得走得嘅佢，雖然偶有幾聲咳，不過精神非常唔錯，佢仲話每日都會一早去公園散步健身呀。呢有唔少老友聞風而至趕嚟同佢見面，其中大王安德尊除咗喜見老友之外，仲叫魚毛再出山拍劇呀。

魚毛姐2007年因為一個女性更年期活動而同鄧達智認識，自此結下不解緣成為好朋友，呢日重提當年時裝展貓步嘅情況，佢哋仲繪形繪聲，一向多被安排扮演醜婦嘅魚毛，仲視對方嘅大膽為大恩人。

自認樣貌普通嘅魚毛姐，就話因為自己唔拘泥於角色美醜，更因為人棄我取嘅性格，被定形為搞笑同扮醜能手，呢日仲非常幽默咁自嘲。

多年來都未有組織家庭嘅佢，曾經話一直渴望愛，不過年前嘅大病就令佢看透紅塵，留院半年更令佢非常痛苦，慶幸無恙出院嘅佢，更希望可以繼續笑看人生。


#TVB #娛樂新聞 #TVB娛樂新聞台 #余慕蓮 #鄧達智 #肺纖維化 #電視城 #安德尊 #劉彩玉 #王鎮泉

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0