Khit Thit သတင်းဌာန၏ ဇူလိုင် ၁၁ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဇူလိုင် ၁၁ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇူလိုင် ၁၁ ရက် ညနေပိုင်း တင်ဆက်ပေးမယ့် သတင်းတွေကတော့

-မန္တလေးတိုင်း မတ္တရာမြို့နယ်က အကြမ်းဖက် စစ်ကောင်စီရဲ့ အင်ကြင်းမြိုင်လေကြောင်းရန် ကာကွယ်ရေး တပ်စခန်းကို မန္တလေး PDF နဲ့ပူးပေါင်းတပ်တွေက သိမ်းပိုက်တဲ့အချိန် လေယာဉ်ပစ် စက်သေနတ်ကြီးတွေကိုပါ ရရှိထားပြီး မန္တလေး PDFက လေ့ကျင့်ပြင်ဆင်ပြီးပြီဖြစ်သလို ၊ စစ်ကောင်စီ တပ်ဖွဲ့တွေအနေနဲ့ အမြန်ဆုံး လက်နက်ချဖို့ မန္တလေး PDF က တရားဝင် သတိပေးချက် ထုတ်ပြန်လိုက် ပါတယ်။

- ရှမ်းပြည်နယ်မြောက်ပိုင်းမှာရှိတဲ့ နောင်ချိုမြို့က အကြမ်းဖက် စစ်ကောင်စီရဲ့ တပ်စခန်းအားလုံးကို TNLA ဦးဆောင်တဲ့ မဟာမိတ်ပူးပေါင်းတပ်တွေရဲ့ တိုက်ခိုက်သိမ်းပိုက်မှုတွေအတွင်း လေယာဉ်ပစ် လက်နက် ၂ လက် အပါအဝင် လက်နက်မျိုးစုံ ၆၀၀ ကျော် နဲ့ ခဲယမ်းအမြောက်အများကိုပါ သိမ်းဆည်း ရရှိထားတယ်လို့ TNLA ကနေ တရားဝင် ထုတ်ပြန်လိုက်ပါတယ်။

- တနင်္သာရီတိုင်း၊ ပုလောမြို့နယ်မှာ စစ်ကြောင်းထိုးလာတဲ့ အကြမ်းဖက် စစ်ကောင်စီတပ်ကို တော်လှန်ရေးတပ်တွေက တိုက်ခိုက်ခြေမှုန်းမှုအတွင်း စစ်ကောင်စီဘက်က ဗိုလ်မှူး သက်ထွန်းအောင် အပါအဝင် စစ်သား ၅ ဦးသေသွားတဲ့အပြင် ၂ ဦးကိုပါ အရှင်ဖမ်းမိထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။